Սերժ Սարգսյա՞ն, թե՞ Կարեն Կարապետյան. Իգնատի Առաքելյանի բացահայտ արհամարհանքը
Քաղաքական
ՀՀ գյուղատնտեսության նախարար Իգնատի Առաքելյանն այսօր լրագրողների հետ զրույցում անդրադարձավ լիզինգի ծրագրին՝ հույս հայտնելով, որ հաջորդ տարի ավելի շատ օգտվողներ կլինեն:
«Մեր վարկերից բոլորը օգտվում են, մի քիչ տեմպը ցածր է, որի պատճառը միգուցե իրազեկվածության պակասն է և մենք պետք է ավելի շատ խոսենք, բացատրենք», – նշեց նա:
Դիտարկմանը՝ նախագահի դժգոհությունը համայնքապետերից գուցե նաև տեմպի ցածր լինելո՞վ էր պայմանավորված, Առաքելյանը նշեց.
«Չեմ կարող ասել: Իրենք վարկերը վերցնում են, մենք համայնքներին և մարզպետարաններին անմիջապես տեղեկացնում ենք, թե որքան ֆերմեր է օգտվել մեր ծրագրերից: Ամեն ամիս ուղարկում ենք օգտվողների քանակը»:
Սերժ Սարգսյա՞ն, թե՞ Կարեն Կարապետյան, ո՞վ է 2018-ին վարչապետի պաշտոնին հավակնում և ո՞ւմ կցանկանար տեսնել այդ պաշտոնում՝ այս հարցը նախարարն անտեսեց՝ չցանկանալով պատասխանել նշեց.
«Հաջորդ հարցը»,- ասաց Առաքելյանը՝ բացահայտ արհամարհանք դրսևորելով:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
