Կոմպոզիտորների միությունը նոր թափ է հավաքում

2018 թ.-ի հունվարի 23-ին կայացավ ՀԿՄ Վարչության՝ տարվա առաջին նիստը: Մինչ հիմնական հարցերին անդրադառնալը՝ ՀԿՄ նախագահ Արամ Սաթյանը շնորհավորեց կոմպոզիտոր Էդուարդ Հայրապետյանին՝ ՀՀ Պետական մրցանակ ստանալու կապակցությամբ:  

Անդրադառնալով օրակարգին` Արամ Սաթյանը նախ շնորհակալություն հայտնեց ՀԿՄ բոլոր սեկցիաների, մասնաճյուղերի ղեկավարներին՝ իրենց կատարած ակտիվ գործունեության և նվիրումի համար:

ՀԿՄ նախագահի առաջարկով՝ ներկայացվեցին սեկցիաների նոր ղեկավարներ. Երաժշտագիտական սեկցիայի ղեկավարի պաշտոնում առաջադրվեց Աննա Արևշատյանը, Սիմֆոնիկ և կամերային սեկցիայի ղեկավարի պաշտոնում՝ Աշոտ Ղազարյանը, իսկ երիտասարդական մասնաճյուղի ղեկավարի պաշտոնում առաջադրվեց Սերգեյ Ումրոյանը: Վերջինս Վարչության անդամներին ներկայացրեց ձևավորվելիք նոր մասնաճյուղի գործունեության ծրագրերը, դրույթները: Ի դեպ, Երիտասարդական մասնաճյուղն այսուհետ կկրի «Երիտասարդական ֆորում» անվանումը:

Մնացած մյուս մասնաճյուղերի՝ Երաժշտական թատրոն, օպերա, բալետ, մյուզիքլ և այլն (ղեկավար՝ Նելլի Ավետիսյան), Խմբերգային և մանկապատանեկան (ղեկավար՝ Ստեփան Բաբաթորոսյան), Էստրադային (ղեկավար՝ Երվանդ Երզնկյան) ղեկավարները մնացին անփոփոխ:

Առաջարկները դրվեցին քննարկման և հաստատվեցին քվեարկության արդյունքում:

Խմբագրական մասնաճյուղի գործունեությունը դադարեցվեց: Մասնաճյուղի աշխատանքներն այսուհետ կկցվի Երաժշտագիտական մասնաճյուղին:  

Քննարկվեց նաև ՀԿՄ նոր՝ Համերգային/կազմակերպչական բաժնի ձևավորման հարցը, որն այսուհետ կհամակարգի Միության կազմակերպչական գործունեությունը:

ՀԿՄ նախագահի առաջարկով՝ բաժինը կղեկավարի Էդմոնդ Մակարյանը:

ՀԿՄ նախագահ Արամ Սաթյանը վարչության անդամներին նաև տեղեկացրեց, որ ՀԿՄ ամսագիրը կենթարկվի փոփոխության և լույս կտեսնի նոր ձևաչափով, դիզայնով և ավելի բարձր որակով:

Առավել մանրամասն՝ սկզբնաղբյուր կայքում։