Մենք ընտրում ենք վատ տարբերակի ու կործանարար տարբերակի միջև. Արմեն Աշոտյան
Տեսանյութեր«Ես համաձայն չեմ, որ մենք ընտրում ենք վատի ու վատագույնի միջև: Չէ, կարծում եմ՝ մենք ընտրում ենք վատ տարբերակի ու կործանարար տարբերակի միջև»,- Ազգային ժողովում վարչապետի ընտրության հարցի քննարկման ժամանակ ասաց ՀՀԿ-ական պատգամավոր Արմեն Աշոտյանը: Նա նշեց, որ վատն այն է, որ ինքը չի կարողանում ասել՝ հարյուր հազարավոր մարդկանց հետ ինքն էլ է միանում համաժողովրդական շարժմանը, չի կարողանում ասել՝ կեցցե այն Հայաստանը, որը գալիս է: «Բայց կործանարար եմ համարում այն մոտեցումը, երբ առկա աշխարհաքաղաքական պայմաններում մեզ ստիպում են կատարել մի ընտրություն, որն ինձ համար անձամբ Հայաստանի ավարտի սկիզբն է: Ես չեմ ուզում, որ Նիկոլ Փաշինյանը, ով դարձավ հայկական Մանդելան, հանկարծ դառնա Հայաստանի կործանման կամ ՀՀ վերջին վարչապետը: Նիկոլն իր անունը գրել է նորագույն պատմության մեջ, լավով է գրել, ոսկե տառերով, չեմ ուզում փոխվի»,- ասաց Աշոտյանը:
Նա նշեց, որ այս շարժումը երբեմն նման է երկու սպորտային մեքենաների, որոնք հանդիպակաց բարձր արագության վրա գալիս են, ով առաջինը ղեկը թեքում է, ստացվում է՝ պարտվել է: «Ինչո՞ւ է այդպես, ինչո՞ւ պետք է մենք ղեկը փոխենք և մեզ ասեն՝ թեքել են ղեկը»- ասաց նա:
Մանրամասները՝ 1in.am-ի տեսանյութում:
ՈՒՂԻՂ ԵԹԵՐ
Ամենադիտված 
Սպասվում է անոմալ տաք եղանակ՝ նորմայից մինչև 25 աստիճան բարձր
