Ուժն այն է, երբ քեզ ասում են, որ չեն սիրում, իսկ դու դրանից չես կործանվում. Մադոննան դարձավ 60 տարեկան

Փոփ երաժշտության թագուհին՝ Մադոննան, այսօր՝ օգոստոսի 16-ին, նշում է ծննդյան 60-ամյակը:

Մադոննայի հաջողության գրավականը ոչ միայն նրա տարբերվող երգացանկն ու սեքսուալ կերպարն են, այլեւ տեսահոլովակների յուրահատուկ սցենարային լուծումները: Իր հիթերի մեծամասնությունը Մադոննան հենց ինքն է հեղինակել եւ միայնակ զբաղվել դրանց պրոդյուսինգով: Նրա երգերից շատերը երկար ժամանակ եղել են ամենահեղինակավոր հիթ-շքերթների առաջատար հորիզոնականներում: Այդ ցանկում են՝ Like a Virgin, Papa Don’t Preach, Like a Prayer, Vogue, Take a Bow, Frozen, Music, Hung Up եւ 4 Minutes երգերը:

Երգչուհու հայտնի մտքերից մի քանիսը ներկայացնում ենք ձեր ուշադրությանը

«Մենք բոլորս նույն գույնի արյուն ունենք, եւ բոլորս էլ ցանկանում ենք սիրել ու սիրվել»:

«Ուժն այն է, երբ քեզ ասում են, որ չեն սիրում, իսկ դու դրանից չես կործանվում»:

«Ավելի լավ է մի տարի ապրես՝ որպես վագր, քան հարյուր տարի՝ որպես ոչխար»:

«Շատ մարդիկ վախենում են ասել այն, ինչ ցանկանում են: Այդ պատճառով էլ նրանք հաճախ չեն ստանում այն, ինչ ցանկանում են»: