Աշխարհի ամենամեծ ինքնաթիռը կիրականացնի առաջին թռիչքը (լուսանկարներ, տեսանյութ)

Daily Mail-ը նշում է, որ աշխարհի ամենամեծ օդանավը՝ Stratolaunch-ը, մի քանի ամսից կիրականացնի իր առաջին թռիչքը։ Ինքնաթիռի թևերի բացվածքը 117 մ է, իսկ քաշը՝ 230 տոննա:

Օդանավը ստեղծվել է Microsoft-ի համահիմնադիր Փոլ Ալենի նախաձեռնությամբ: Այն համալրված է օդաչուական երկու խցիկով, ունի 28 հատ անիվ, 6 շարժիչ, որոնք օգտագործվում են Boeing 747 օդանավերում:

Հայտնի է, որ Stratolaunch-ը պետք է օգտագործվի որպես հրթիռակիրների արձակման օդային հարթակ: 

Ալենի խոսքով՝ ինքնաթիռի առաջին թռիչքը կարող է կայանալ արդեն աշնանը:

Ըստ նախնական հաշվարկների՝ այն կկարողանա օդ բարձրացնել 250 տոննա բեռ: