Տեսանյութ. ինչպես է շունը պահպանել ուշագնաց տիրուհուն եւ նրա հետ գնացել հիվանդանոց
ՏեսանյութերՉինաստանի Դացին քաղաքի մի բնակչուհի անսպասելիորեն ուշագնաց է եղել իր ոսկեգույն ռետրիվերի հետ զբոսնելու ժամանակ: Հավատարիմ կենդանին իր տիրուհու կողքին սպասել է մինչեւ բժիշկների գալը եւ կտրականապես հրաժարվել նրանից հեռանալ նույնիսկ շտապօգնության մեքենայում: Բժիշկներին ոչինչ չէր մնում, քան միայն ընդունել խաղի կանոնները եւ շանը վերցնել իրենց հետ: Այդ մասին հայտնել է Daily Mail-ը:
Շտապօգնության բժիշկները լրագրողներին պատմել են, որ սկզբում վախենում էին մոտենալ անզգա պառկած կնոջը. չէ որ նրան պահպանում էր խոշոր շունը: Այնուամենայնիվ, երբ մասնագետները համարձակվել են մոտենալ, շունը ոչ մի ագրեսիա չի դրսեւորել եւ միայն կողքից դիտել է նրանց գործողությունները: «Երբ մենք մոտեցանք գետնին պառկած կնոջը, շունը ուրախացավ, որ մենք ժամանել ենք՝ օգնելու իր տիրուհուն:
Իսկ երբ աղջկան դրեցինք պատգարակի վրա, շունը աշխուժացավ եւ նրա հետեւից մտավ շտապօգնության մեքենայի մեջ»,- պատմել են բժիշկները: Նրանց հուզել է նման հոգատարությունը, եւ նրանք ռետրիվերին թույլ են տվել տիրուհուն ուղեկցել հիվանդանոց: Բարեբախտաբար, կլինիկայում պարզվել է, որ պացիենտը լուրջ հիվանդություններ չունի. նա պարզապես չափանզաց շատ ոգելից խմիչք էր օգտագործել նախօրյակին: Եվ առաջին խոսքը, որ կինն արտասանել է ուշքի գալով, սիրելի շան անունն էր:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
