Տղամարդը առանց ցավի կարողանում է 180 աստիճանով պտտել ոտքերը և հետընթաց քայլել (տեսանյութ)

Oddity Central-ը հայտնում է, որ ԱՄՆ Միչիգան նահանգի 57-ամյա բնակիչ Մոսես Լենհեմը հայտնի է դարձել «Պարոն պլաստիկ» անունով:

Այդ մականունն ամերիկացին ստացել է արտասովոր ունակության շնորհիվ. նա կարողանում է պտտել ծնկները 180 աստիճանով և քայլել հետընթաց:

Իր գերմարդկային ունակությունն ամերիկացին հայտնաբերել է 14 տարեկանում: Բուժզննումը պարզել էր, որ այդ հնարքը նա կարողանում է կատարել գոտկատեղում, ծնկներում և կոճերում առկա կրկնակի աճառային հյուսվածքի շնորհիվ:

Լենհեմը երկու համաշխարհային ռեկորդ է սահմանել, որոնցից մեկը դեռևս իրեն է պատկանում: