ԿԸՀ-ն հունվարի 4-ին արտահերթ նիստ կգումարի

Կենտրոնական ընտրական հանձնաժողովը 2019 թվականի հունվարի 4-ին, ժամը 16:00-ին, կանցկացնի արտահերթ նիստ: Այդ մասին տեղեկություն է տարածել հանձնաժողովի մամուլի ծառայությունը։

Նիստի օրակարգում քննարկվելու է երեք հարց.

ա). 2018 թվականի դեկտեմբերի 9-ի Ազգային ժողովի արտահերթ ընտրություններին մասնակցած կուսակցությունների, կուսակցությունների դաշինքների ընտրական ցուցակներում ընդգրկված ինքնաբացարկ ներկայացրած (մանդատից հրաժարված)  պատգամավորի թեկնածուների գրանցումն ուժը կորցրած ճանաչելու մասին,

բ). Ազգային ժողովի պատգամավորներ գրանցելու և մանդատներ տրամադրելու մասին արձանագրության կազմում

գ). նորընտիր Ազգային ժողովի առաջին նստաշրջանի գումարման օրը հայտարարելու մասին: