Փարպեցու փողոցում տղամարդը ձեռքով հարվածներ է հասցրել քաղաքացու գլխին և հափշտակել գումարը

Ոստիկանության Կենտրոնական բաժնում օպերատիվ կառավարման կենտրոնից դեկտեմբերի 28-ին, ժամը 21.55-ին, հաղորդում է ստացվել, որ Կենտրոն վարչական տարածքում քաղաքացու են ծեծի ենթարկել: Րոպեների տարբերությամբ ահազանգ է ստացվել  նաև հիվանդանոցից. շտապօգնության բրիգադը նշված հասցեից «գլխուղեղի ցնցում հարցական» ախտորոշմամբ մի տղամարդու էր բուժօգնության տեղափոխել:

Հիվանդանոցում տուժողից վերցված հաղորդման համաձայն պարզվել է, որ նույն օրը Փարպեցու փողոցի բնակիչ Սամվել Ն-ն ձեռքով հարվածներ է հասցրել գլխին և հափշտակել մոտի գումարը: 

Ոստիկանության Մարաշի բաժանմունքի քրեական հետախույզների ձեռնարկած օպերատիվ- հետախուզական միջոցառումների շնորհիվ, դեկտեմբերի 29-ին, ժամը 01.00-ի սահմաններում, Նորք-Մարաշի 13 փողոցից, նշված հանցագործությունը կատարելու կասկածանքով, Սամվել Ն-ն բերման է ենթարկվել բաժանմունք: 
Նշանակվել է դատաբժշկական փորձաքննություն: Նախապատրաստվում են նյութեր: