«Արարատ»-ում փորձաշրջան են անցնում մի քանի լեգիոներներ

Հունվարի 8-ից Երևանի «Արարատ»-ը վերադարձել է արձակուրդից և վերսկսել մարզումները: Թիմը մարզումներն անցկացնում է Ձորաղբյուրի մարզահամալիրում: Այս մասին հայտնում է ակումբի մամուլի ծառայությունը:

Բացակայում են միայն Արևմտյան Հայաստանի՝ հավաքականին միացած ֆուտբոլիստները, որոնք թիմին կմիանան առաջիկայում:

Հունվարի 14-21-ը մեր թիմն իր առաջին ուսումնամարզական հավաքը կանցկացնի Ձորաղբյուրում: Այնուհետև «Արարատ»-ը կմեկնի Սոչի, որտեղ հունվարի 23-ից փետրվարի 3-ը ուսումնամարզական հավաք կանցկացնի: