Լուկաշենկոն սպառնում է Ռուսաստանին

Բելառուսի նախագահ Ալեքսանդր Լուկաշենկոն հայտարարել է, որ Ռուսաստանը կարող է կորցնել Բելառուսին՝ որպես դաշնակից, եթե երկրները պայմանավորվածության չգան նավթային ոլորտի հարկային մանևրի փոխհատուցման շուրջ: Այս մասին գրում է «Իզվեստիա» պարբերականը:

«Չի կարելի համարել, որ դա աղետ է: Եթե Ռուսաստանի ղեկավարությունը ընտրի շարժման նման ճանապարհ և միակ դաշնակցի կորուստ արևմտյան  ուղղությամբ, դա իրենց ընտրությունն է»,- ասել է Բելառուսի նախագահը։

Բելառուսի նախագահը նաև կոչ է արել երկրի իշխանություններին փնտրել վստահելի աղբյուրներ, որոնք հնարավորություն կտան փոխհատուցել ռուսական հարկային մանևրի հետևանքով առաջացած կորուստները: