ՌԴ-ն մտադիր է կյանքի կոչել ՀՀ-ի համար նպաստավոր Մաքսային կարգավորման 2011թ. ռուս-վրացական համաձայնագիրը. Կարասին
Քաղաքական
Ռուսաստանի Դաշնությունը պատրաստվում է կյանքի կոչել Մաքսային կարգավորման վերաբերյալ 2011թ. ռուս-վրացական համաձայնագիրը, որը թույլ կտա Հայաստանից արտահանվող ապրանքների համար ևս մեկ տարանցիկ միջանցք բացել:
Այս մասին հունվարի 30-ին Հայ-ռուսական համալսարանում լրագրողների հետ զրույցում ասաց ՌԴ փոխարտգործնախարար Գրիգորի Կարասինը:
«Մենք մտադիր ենք կյանքի կոչել մեզ վրա վերցված պատասխանատվությունը: Շատ կարևոր է լինելու եռակողմ կոմիտեի առաջին հանդիպումը`Շվեյցարիայի, Վրաստանի և Ռուսաստանի Դաշնության ներկայացուցիչների մասնակցությամբ: Նման հանդիպումը տեղի կունենա փետրվարին՝ Ժնևում»,- նշեց ՌԴ փոխարտգործնախարարը:
Կարասինի խոսքով` այս հարցում կան մի շարք նուրբ հարցեր, որոնք լուծման կարիք ունեն:
«Տարածաշրջանում մի շարք խնդիրներ կան, առկա են մի շարք պետությունների քաղաքական կարգավիճակի վերաբերյալ տարաձայնություններ, կա Հարավային Օսեթիայի խնդիրը, որտեղով պետք է անցնի միջանցքը: Սա նուրբ հարց է, որը պետք է քննարկենք»,- ասաց Կարասինը:
Ռուսաստանի Դաշնության արտաքին գործերի փոխնախարար Ալեքսանդր Կարասինը Հայաստանում է գտնվում աշխատանքային այցով:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
