Մարզահամերգային համալիրը նոր տնօրեն ունի

Կարեն Դեմիրճյանի անվան մարզահամերգային համալիրի տնօրեն է նշանակվել «Շարմ Հոլդինգ»-ի գլխավոր տնօրեն Կարեն Ղազարյանը։

Այս պաշտոնը թափուր է նախորդ տարվանից, քանի որ լրացել էր տնօրեն Վազգեն Ասատրյանի պաշտոնավարման ժամկետը։

Դեկտեմբերին հայտարարվեկլ էր տնօրենի բաց մրցույթ` «Կարեն Դեմիրճյանի անվան մարզահամերգային համալիր» պետական ոչ առևտրային կազմակերպության տնօրենի թափուր պաշտոնը զբաղեցնելու համար:

Նշենք, որ Կարեն Ղազարյանը դեռևս 1991 թվականին հիմնադրված և ներկայումս Հայաստանում առաջատար «Շարմ Հոլդինգ» պրոդյուսերական և գովազդային գործակալության գլխավոր տնօրենն է։ Ինչպես նաև պրոդյուսեր և դերասան է։ Որպես դերասան նրան շատերը կհիշեն «Մեր բակը» կինոնկարից։  Ավելի քան 16 խոշոր կինոնախագծերի հեղինակ է՝ «Մեր երազանքի ճանապարհը», «Կռիվ և կյանք», «Կռիվ և կյանք 2.25 տարի անց», «Անավարտ թռիչք», «Հյուսիս-հարավ» և այլն։