Մանվել Գրիգորյանը հարցաքննվել է Մարտի 1-ի գործով
Իրավունք
Armtimes.com-ի տեղեկություններով Մարտի 1-ի գործի շրջանակում վկայի կարգավիճակով հարցաքննվել է 2008-ին պաշտպանության փոխնախարարի պաշտոնը զբաղեցնող Մանվել Գրիգորյանը:
ԼՈւՐԵՐ․com-ի հետ զրույցում Գրիգորյանի փաստաբան Արսեն Մկրտչյանը ոչ հաստատեց, ոչ հերքեց տեղեկությունները․ «Այդ հարցը թողնում եմ ՀՔԾ-ի մեկնաբանությանը։ Վստահեցնում եմ՝ Մանվել Գրիգորյանը երբևէ որևիցե մեկի դեմ ցուցմունք չի տվել»,- ասաց նա:
Մկրտչյանը նշեց՝ իր պաշտպանյալը շարունակում է մնալ և բուժումներ ստանալ Նաիրի բժշկական կենտրոնում։
Ինչպես Մարտի 1-ի գործի շրջանակում մյուս հարցաքննությունների դեպքում, այս անգամ ևս՝ ՀՔԾ-ից հրաժարվեցին մեկնաբանել՝ արդյոք Գրիգորյանը հարցաքննվել է այս գործի շրջանակում, թե ոչ։
Նշենք, որ Մարտի 1-ի գործի շրջանակում որպես վկաներ հարցաքննվել են նաև Սերժ Սարգսյանն ու Լևոն Տեր-Պետրոսյանը։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
