Պարո՛ն քաղաքապետ, ժողովրդավարություն բառը միայն ասելու համար չէ

Երևանի ավագանու «Լույս» խմբակցության անդամ Թեհմինա Վարդանյանն իր ֆեյսբուքյան էջում գրել է․ 

«Պարո՛ն քաղաքապետ, որևէ մեկը հետայսու չփորձի մեզ մեղադրել գործընկերային մոտեցում չցուցաբերելու կամ չհամագործելու մեջ։

14.02.2019 թվականին աշխատակիցների հրավերով ներկա եմ գտնվել թիվ 12 պոլիկլինիկայի տնօրենի կողմից հրավիրված ժողովին։ Պոլիկլինիկայից, ուղիղ հեռարձակմամբ, դիմել եմ քաղաքապետին՝ խնդրանքով, որ ևս մեկ անգամ ուսումնասիրեն կատարվելիքն, այնուհետև մակագրեն «հրաժարականի» դիմումը։ Այդ օրը նաև դիմումով դիմեցի քաղաքապետին՝ կցելով տվյալ պոլիկլինիկայի աշխատակիցների դիմումն ուղղված քաղաքապետին և 214 ստորագրություն։ Այդուհանդերձ, փորձեցի նաև հանդիպել քաղաքապետի հետ՝ քննարկելու այդ պոլիկլինիկայի հետ կապված խնդիրներն ու ինձ մտահոգող որոշ հանգամանքներ։ Բայց... Քաղաքապետն ո՛չ ընդունեց ինձ, ո՛չ էլ արձագանքեց։