Կասիլյասը շրջանցեց Ռոնալդուին և նոր ռեկորդ սահմանեց ՉԼ-ում

Չեմպիոնների լիգայի 1/8 եզրափակչի պատասխան խաղում «Պորտու»-ն լրացուցիչ ժամանակում 3:1 հաշվով հաղթել է «Ռոմա»-ին: 

Պորտուգալական ակումբի դարպասապահ Իկեր Կասիլյասի համար Չեմպիոնների լիգայում սա 101-րդ հաղթանակն էր կարիերայում: Իսպանացին այս ցուցանիշով շրջանցեց Կրիշտիանու Ռոնալդուին (100) և մրցաշարի նոր ռեկորդ սահմանեց:

Չեմպիոնների լիգայում տոնած հաղթանակների քանակով երրորդ ֆուտբոլիստը «Բարսելոնա»-ի նախկին կիսապաշտպան Չավին է, ով իր ակտիվում ունի 91 հաղթանակ:

Նշենք, որ Ռոնալդուն կարող է հավասարվել Կասիլյասին մարտի 12-ին, երբ թուրինյան թիմը կհյուրընկալի «Ատլետիկո»-ին: