Եվս երկու երկիր Երուսաղեմը ճանաչեց Իսրայելի մայրաքաղաք
Արցախ
Ռումինիան եւ Հոնդուրասը մարտի 24-ին հայտարարել են Երուսաղեմը Իսրայել պետության մայրաքաղաքը ճանաչելու մասին: Ռումինիայի վարչապետ Վիորիկա Դենչիլեի եւ Հոնդուրասի նախագահ Խուան Էռնանդեսի համապատասխան հայտարարություններն արվել են Հանրային գործերի ամերիկա-իսրայելական կոմիտեի տարեկան խորհրդաժողովում,: Երկու երկրներն էլ մտադիր են դեսպանատները տեղափոխել Երուսաղեմ:
ԶԼՄ-ները նշում են, որ այս քայլերն արդեն ողջունել են Թել Ավիվում:
Մինչդեռ մամուլին հայտնի է դարձել Ռումինիայի նախագահ Կլաուս Յոհաննիսի արձագանքը, ով հայտարարել է, որ վարչապետն իր հետ անհրաժեշտ կոնսուլտացիաներ չի անցկացրել: Ընդսմին նա Ռումինիայի կառավարությանը «կատարյալ տգիտության» մեջ է մեղադրել արտաքին քաղաքականության հարցերում:
Անցած տարվա վերջին ԱՄՆ-ի նախագահ Դոնալդ Թրամփը Երուսաղեմը ճանաչել է Իսրայելի մայրաքաղաքը եւ հայտարարել ամերիկյան դեսպանատունն այդ քաղաք տեղափոխելու մասին: Համանման որոշում է ընդունել Գվատեմալան, հաղորդել է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
