Ամեն ինչ կարգին է, ամեն ինչ օրինական է. Նիկոլ Փաշինյան

ՀՀ վարչապետ Նիկոլ Փաշինյանը իր ֆեյսբուքյան էջում գրում է․

«Հարգելիներս՝ ես ցուցում եմ տվել ստացված օպերատիվ տեղեկությանը օրենքով նախատեսված ընթացք տալու մասին, ինչի արդյունքում հարուցվել է քրգործ:

Ցուցումը տվել եմ վարչապետին ենթակա մարմնին: Ամեն ինչ կարգին է, ամեն ինչ օրինական է:

Շնորհակալ եմ ձեր մտահոգությունների համար»:

Հիշեցնենք, որ այսօր մարդու իրավունքների պաշտպան Արման Թաթոյանն, անդրադառնալով Նիկոլ Փաշինյանի երեկվա հայտարարությանը, թե իր անձնական ցուցումով քրեական գործ է հարուցվել իր մերձավոր ազգականի դեմ, ասել է. «Քրեական դատավարության օրենսգիրքը նախատեսում է` ով ում ինչ հանձնարարություններ կարող է տալ։ Անձի դեմ քրեական գործ հարուցելու ցուցում տալու լիազորություն վերապահվում է դատախազին և ոչ վարչապետին»։