Ֆուտբոլային դիվանագիտությունն ի սկզբանե տապալման էր դատապարտված. Ալեն Սիմոնյան

«Ըստ իս, ամենաճիշտ մարտավարությունը Հայաստանի հզորացումն է»,- ցեղասպանության ընդունման համար տարվող քաղաքականության մասին, լրագրողների հետ զրույցում ասաց Աժ «Իմ քայլը» խմբակցության պատգամավոր Ալեն Սիմոնյանը։

«Այն մարտավարությունը, որը մենք ունենք և տարիներ շարունակ ունեցել ենք, խոսուն է, և դուք տեսնում եք, որ ամեն տարի նոր գործընկեր երկրները ճանաչում են Հայոց ցեղասպանությունը։ Թուրքիայի հետ հարաբերությունների կարգավորմանն ուղղված և «ֆուտբոլային դիվանագիտություն» անունը ստացած քաղաքականության մասին խոսելով՝ Սիմոնյանը նշեց. «Ի սկզբանե ես չէի կարծում, որ հնարավոր է Թուրքիայի հետ այդ ճանապարհով որևէ հաջողության հասնել՝ հաշվի առնելով, որ որևէ դիվանագիտություն սկսելու համար Թուրքիան բազմիցս տարբեր հնարավորություններ է ունեցել:

Ըստ իս՝ ֆուտբոլային դիվանագիտությունն ի սկզբանե տապալման էր դատապարտված»։

Անդրադառնալով Թուրքիայի հետ հարաբերությունների կարգավորմանը, Ալեն Սիմոնյանն ասաց. «Մեր դիրքորոշումները շատ չեն փոխվել: Այս հարցում մենք նախապայմանների լեզվով երբեք չենք խոսել»։