Բրիտանացին տեսանկարել է ուրվականների իր խանութում (տեսանյութ)

Մեծ Բրիտանիայի Բրայթոն քաղաքում գտնվող երաժշտական գործիքների GAK  խանութում տարօրինակ երևույթներ են տեղի ունեցել, այս մասին հայտնում է Daily Star-ը:

Խանութի վաճառողը տեսախցիկ է տեղադրել սենյակում` ստուգելու, թե ինչ գերբնական երևույթներ են տեղի ունենում իրենց բացակայության ժամանակ: Առավոտյան ստուգելով տեսագրությունը`  անձնակազմը վախեցել և շոկի է ենթարկվել:

Տեսագրության մեջ երևում է, թե ինչպես են երկու կիթառները սկսում շարժվել, ապա վայր են ընկնում այնպես, կարծես ինչ-որ մեկն  է շպրտում դրանց:

Տեսանյութը հրապարակվել է Յութուբ հարթակում և քննարկումների առարկա դարձել սոցցանցերում: Որոշ օգտատերեր պնդում են, թե սենյակում ուրվական է եղել և անհապաղ պետք է կանչել «ուրվական որսացողների»: Բայց կան նաև նրանք, ովքեր չեն հավատում հոլովակին և պնդում են, որ այն  կեղծ է ւ մոնտաժված: