Եվրոպական խաղեր. Վալոդյա Ֆրանգուլյանը պարտվեց

Հայաստանի ներկայացուցիչ ազատ ոճային ըմբիշ Վալոդյա Ֆրանգուլյանը  Եվրոպական խաղերի բրոնզե մեդալի համար պայքարում պարտություն կրեց:

Ֆրանգուլյանը ուժերը չափեց Ուկրաինան ներկայացնող Գոռ Հովհաննիսյանի հետ ու պարտվեց 2:8 հաշվով:

Հիշեցնենք, որ Վալոդյա Ֆրանգուլյանը պայքարը սկսել էր1/8 եզրափակչից, որտեղ  զիջել էր Ադրբեջանի  ներկայացուցչին: Ադրբեջանցի ըմբիշը դուրս էր եկել  եզրափակիչ, արդյունքում Ֆրանգուլյանը բրոնզե մեդալի համար սփոփիչ գոտեմարտի մասնակցելու հնարավորություն էր  ստացել: Սփոփիչ գոտեմարտում  հայ մարզիկը ուժերը չափել էր  Բելառուսի ներկայացուցչի հետ և հաղթել` հնարավորություն ստանալով պայքարել բրոնզե մեդալի համար: