Ռոբերտ Քոչարյանը վերընտրվել է «Սիստեմա» ԲՖԿ-ի տնօրենների խորհրդի անդամ
Քաղաքական
Ինչպես ավելի վաղ տեղեկացրել էինք, «Սիստեմա» բաժնետիրական ֆինանսական կորպորացիան առաջարկել էր Տնօրենների խորհրդի կազմում որպես անկախ տնօրեն ներառել Հայաստանի երկրորդ նախագահ Ռոբերտ Քոչարյանին։
Այսօր՝ հունիսի 29-ին, բաժնետերերի տարեկան ամենամյա ժողովում Ռոբերտ Քոչարյանը վերընտրվել է «Սիստեմա» բաժնետիրական ֆինանսական կորպորացիայի տնօրենների խորհրդի անդամ: Այս մասին գրում է ՌԻԱ Նովոստի գործակալությունը:
«Սիստեմա» ԲՖԿ-ի բաժնետերերը շաբաթ օրը կայացած ամենամյա հանդիպմանը վերընտրել են տնօրենների խորհուրդը նույն կազմով:
Այսպիսով՝ Քոչարյանի հետ միասին իրենց տեղերը պահպանել են նաև կորպորացիայի սեփականատեր Վլադիմիր Եվտուշենկովը, նախագահ ՝ Անդրեյ Դուբովսկովը, Segezha Group-ի նախագահ Միխայիլ Շամոլինը, «Սեստեմա»-ի առաջին փոխնախագահ Ֆելիքս Եվտուշենկովը, «РТИ»-ի գլխավոր կոնստրուկտոր Սեգեյ Բոևը, «Вимм-Билль-Данн»-ի նախկին համասեփականատեր Դավիդ Յակոբաշվիլին, KPMG ռուսական բաժնի նախկին ղեկավար Ռոջեր Մանինգսը, Լյուքսեմբուրգից քաղաքական գործիչ Ժաննո Կրեկեն, Deutsche Telekom-ի նախկին նախագահ Ռոն Զոմմերը, և կորպորացիայի աուդիտի, ֆինանսական ռիսկերի կոմիտեի անդամ Աննա Բելովան:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
