«Ալաշկերտ»-ը հաղթեց, սակայն դուրս մնաց պայքարից (տեսանյութ)

Եվրոպայի լիգայի որակավորման երկրորդ փուլի պատասխան խաղում «Ալաշկերտ»-ը հյուրընկալվեց «Ստյաուա»-ին ու հաղթեց 3:2 հաշվով:

Հայկական թիմի կազմում դուբլ հեղինակեց Գուստավո Մարմենտինին (24', 28' 1մ.), մեկ անգամ էլ աչքի ընկավ Տիագո Գալվաոն (45"):

Դաշտի տերերի կազմում գոլերը խփեցին Ֆլորին Տենասեն (10', 11մ.) և Ֆլորինել Կոմանը (59':)

Չնայած հաղթանակին «Ալաշկերտ»-ը դուրս մնաց պայքարից, քանի որ թիմերի միջև առաջին խաղում մրցակցին զիջել էր 0:3 հաշվով: Երկու խաղերի արդյունքում գրանցված 5:3 հաշվի շնորհիվ  «Ստյաուա»-ն կշարունակի պայքարը:

Նշենք, որ թիմերը հանդիպումը ավարտեցին 10-ական խաղացողով: «Ստյաուա»-ի կազմում կարմիր քարտ ստացավ Միխայ Բելաշան (27'), «Ալաշկերտ»-ի կազմում` Գուստավո Մարմենտինին (63'):

 Տեսանյութը և լուսանկարը` «Ալաշկերտ»-ի մամուլի ծառայության