Դուք կեղծ ընդդիմություն եք․ ակտիվիստը՝ Անի Սամսոնյանին

ԱԺ այգու առջև՝ ի պաշտպանություն Ամուլսարի անցկացվող ակցիայի, մասնակիցներին միացավ ԱԺ «Լուսավոր Հայաստան» խմբակցության անդամ Անի Սամսոնյանը: Վերջինս, սակայն, քննադատությունների արժանացավ: 

Ակտիվիստներից մեկը, նրան դիմելով, ասաց․ «Դուք պատեհապաշտությամբ եք զբաղվում, ինչո՞ւ սպասեցիք՝ մենք Ջերմուկից գանք, հասնենք, նոր խոսեցիք։ «Լուսավոր Հայաստանը» կեղծ քաղաքական ուժ է, ինչպես միշտ ամեն ինչի վերջում եք հայտնվում։ Դուք կեղծ ընդդիմություն եք»։

Ի պատասխան ակտիվիստների՝ Անի Սամսոնյանը նշեց, որ «Լուսավոր Հայաստան»-ի պատգամավորները Ջերմուկում եղել են ձմռանը և հստակ խոսք են տվել ջերմուկցիներին, ինչ էլ  նրանք որոշեն, իրենք լինելու են նրանց կողքին։