Էդ Շիրանը հայտնել է, որ դադարեցնում է ելույթները

Անգլիացի երգիչ Էդ Շիրանը հայտարարել է 18 ամսով համերգային գործունեությունը դադարեցնելու մասին։ Այս մասին հայտնում է The Independent-ը՝ վկայակոչելով երգչի հայտարարությունը:

Շիրանը ելույթները դադարեցնելու որոշման մասին հայտարարել է Divide համաշխարհային շրջագայության շրջանակում իր հարազատ քաղաքում՝ Իպսվիչում համերգի ժամանակ։

Նա նաև նշել է, որ համաշխարհային շրջագայության ընթացքում անցկացրել է 280 համերգ, որոնց այցելել է շուրջ 9 միլիոն մարդ։

Շիրանը նշել է նաև, որ պատրաստվում է իր հանգիստն անցկացնել կնոջ՝ Չերրի Սիբորնի հետ: