Վերաքննիչ քրեական դատարանը վարույթ է ընդունել Քոչարյանի պաշտպանների բողոքը
Իրավունք
Վերաքննիչ քրեական դատարանը՝ Մխիթար Պապոյանի նախագահությամբ, վարույթ է ընդունել գրավի դիմաց ազատ չարձակելու՝ նոյեմբերի 7-ի որոշման դեմ «Մարտի 1»-ի գործով ամբաստանյալ Ռոբերտ Քոչարյանի պաշտպանների բողոքը: Այս մասին ԼՈՒՐԵՐ․com-ին տեղեկացրին դատարանի աշխատակազմից:
Փոխանցեցին նաև, որ գործով դատական նիստը նշանակվել է Ռոբերտ Քոչարյանի և մյուսների բուն գործով դատական նիստի օրը՝ նոյեմբերի 26-ին:
Հիշեցնենք, որ նոյեմբերի 7-ին Երևանի ընդհանուր իրավասության դատարանի դատավոր Աննա Դանիբեկյանը որոշել էր մերժել Քոչարյանի պաշտպանների՝ գրավի դիմաց ազատ արձակելու վերաբերյալ միջնորդությունը, որի հիմքում վերջիններս դրել էին Սահմանադրական դատարանի հոկտեմբերի 15-ի ՍԴՈ-1480 որոշումը:
Պաշտպանական կողմի պնդմամբ՝ Սահմանադրական դատարանի հայտնած իրավական դիրքորոշմամբ, ըստ էության, գրավը կարող է զսպել ոչ միայն մեղադրյալի թաքնվելու, այլ նաև գործի քննությանը նրա խոչընդոտելու ռիսկը, և սա հիմք է Քոչարյանին գրավի դիմաց ազատ արձակելու վերաբերյալ նոր միջնորդություն ներկայացնելու համար:
Դատարանը, քննելով այս հիմքով Քոչարյանին գրավի դիմաց ազատ արձակելու պաշտպանների միջնորդությունը, այն մերժել էր: Որոշումը բողոքարկվել էր Վերաքննիչ դատարան:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
