Արման Թաթոյանը ՄԻՊ-ի առջև առկա մարտահրավերները հաղթահարելու համար կարևորում է անաչառությունը
Իրավունք
ՀՀ մարդու իրավունքների պաշտպան Արման Թաթոյանը մարդու իրավունքների պաշտպանության ոլորտում առկա մարտահրավերները հաղթահարելու համար չափազանց կարևորում է իր ղեկավարած ինստիտուտի անաչառությունը:
Այս մասին Թաթոյանն ասաց նոյեմբերի 26-ին ՀՀ Ազգային ժողովում Մարդու իրավունքների պաշտպանի հաստատության գործունեության 15-ամյակի առթիվ կազմակերպված միջազգային երկօրյա համաժողովի ընթացքում:
«Մարտահրավերները հաղթահարելու համար չափազանց կարևոր է անաչառությունը: Չպետք է լինի քաղաքական որևէ հոսանքին հարում անգամ, որովհետև դա կկործանի տարիների ընթացքում ստեղծվածը: Անհրաժեշտ է քաղաքական կամքի առկայություն, որը նաև կարևոր է Մարդու իրավունքների պաշտպանի կողմից ներկայացվող առաջարկների կատարմանը նպաստելու համար: Հայաստանի Մարդու իրավունքների պաշտպանի հաստատությունը ներկայում ունի A կարգավիճակ, դա ՄԱԿ-ի հովանու ներքո գործող անկախ հանձնախմբի կողմից շնորհված կարգավիճակ է, որը վկայում է աշխատանքի բարձր անկախության և արդյունավետության մասին»,- ասաց Թաթոյանը:
Նոյեմբերի 26-ին ՀՀ Ազգային ժողովում մեկնարկել է Մարդու իրավունքների պաշտպանի հաստատության գործունեության 15-ամյակի առթիվ կազմակերպվածմիջազգային երկօրյա համաժողով:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
