Դատախազությունն ուսումնասիրում է «Կամազ»-ների նվիրատվության վերաբերյալ հրապարակումները
Իրավունք
ՀՀ գլխավոր դատախազությունը Երևանի քաղաքապետարանին տարբեր ընկերությունների ու տնտեսվարողների կողմից «ԿամԱԶ» մակնիշի աղբահավաք մեքենաների նվիրատվության վերաբերյալ հրապարակումների ուսումնասիրություն է սկսել: Այս մասին ԼՈՒՐԵՐ.com-ի հետ զրույցում փոխանցեցին դատախազության լրատվական ծառայությունից։
Հիշեցնենք, որ Երևանի ավագանու «Լույս» խմբակցության ղեկավար Դավիթ Խաժակյանը հայտարարել էր, որ աղբահանության խնդրի լուծման հարցում քաղաքապետին ձեռք են մեկնել խոշոր սեփականատերերն ու «Կամազ»-ներ են նվիրել: Նրա խոսքով՝ «Կամազ»-ների մի մասը նվեր է ստացվել Սամվել Ալեքսանյանի կողմից:
«Քանդվում է քաղաքապետարանի կոռուպցիոն բնույթի գործարքների կծիկը: Նվե՞ր էր դա, թե գործարք ինչ-որ բանի դիմաց»,- հարց էր բարձրացրել Խաժակյանը:
Սակայն Երևանի քաղաքապետ Հայկ Մարությանը հերքել էր խոսակցությունները՝ նշելով, թե «Կամազ»-ները Սամվել Ալեքսանյանից չեն նվեր ստացել, այն դեպքում, երբ նվիրատուների ցանկում նշված էր «Ալեքս Հոլդինգ»-ի անունը: Ավելին՝ բարձրացված աղմուկից հետո էլ, երեկ ուղիղ եթերում քաղաքապետը շարունակեց պնդել իր խոսքը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
