Անի Հովսեփյանը՝ նոր մենամարտի շեմին․ օլիմպիական երազանքը մնում է Մարտիրոսյանն ու Արոնյանը հաղթեցին․ պայքարը Բուդապեշտում շարունակվում է Երկու հաղթանակ Խորվաթիայում․ Քեյանն ու Սիմոնյանը՝ քառորդ եզրափակիչում Ռանոսի դուբլը․ «Տեներիֆեն» անցավ Իսպանիայի գավաթի հաջորդ փուլ Փոչետինոն՝ ճգնաժամի կենտրոնում․ առաջին քննությունը «Լիվերպուլն» է «Մեմֆիսը» պատմություն գրեց․ 8-րդ անընդմեջ արտագնա հաղթանակը Ես դա ընկալում եմ քննադատություն իմ հասցեին. Փաշինյանը՝ Աննա Հակոբյանի Ավինյանին քննադատելու մասին (տեսանյութ) «Յուտան» կանգնեցրեց «Լեյքերսին»․ 9 հաղթանակից հետո՝ սառը ցնցուղ Ալկարասը չկանգնեց․ 11-րդ հաղթանակն ու կիսաեզրափակչի ուղեգիրը Օլիվիա Մանը՝ Կոնգրեսում․ քաղցկեղի դեմ պայքարի նոր օրինագիծ «Հիմար կատակ են արել». կրակողը Արցախից է, պատերազմում կորցրել է ոտքը. Մանրամասներ՝ Արևիկում ողբերգական դեպքից Խուլիո Իգլեսիասի դեմ քննություն․ երգիչը հերքում է պնդումները 

Դավիթ Խաժակյանը դիմել է գլխավոր դատախազին

Քաղաքական

Երեւանի ավագանու «Լույս» խմբակցության ղեկավար Դավիթ Խաժակյանը հանցագործության մասին հաղորդում է ներկայացրել ՀՀ գլխավոր դատախազ Արթուր Դավթյանին:

Նրա հաղորդման մեջ, մասնավորապես, ասվում է.

«Հարգելի՛ պարոն Դավթյան,

ս.թ. նոյեմբերի 26-ին Երեւանի ավագանու հերթական նիստին հանդես եկա հայտարարությամբ եւ ներկայացրեցի հաղորդում հանցագործության մասին։ Հայտարարությամբ ներկայացրեցի այն էական հանգամանքները, որոնք շարադրում եմ ստորեւ։ Բանն այն է, որ ս.թ. հոկտեմբերի 22-ից նոյեմբերի 8-ը Հայկ Մարությանը գտնվել է արձակուրդում։ Հոկտեմբերի 22-ից նոյեմբերի 4-ը Հայկ Մարությանի արձակուրդում գտնվելու ընթացքում Երեւանի քաղաքապետին փոխարինել է քաղաքապետի առաջին տեղակալ Հրաչյա Սարգսյանը, հիմք ընդունելով «Երեւան քաղաքում տեղական ինքնակառավարման մասին» օրենքի 48-րդ հոդվածի 2-րդ մասը։

Նույն ժամանակահատվածում՝ հոկտեմբերի 25-ին քաղաքապետի առաջին տեղակալ, քաղաքապետի պաշտոնակատար Հրաչյա Սարգսյանը 3975-Ա քաղաքապետի որոշմամբ Հրաչյա Սարգսյանին գործուղել է արտասահման նոյեմբերի 5-ից 13-ը ժամանակահատվածով։ Ինչպես քաղաքապետարանի պաշտոնական կայքից ծանոթանում ենք քաղաքապետի որոշումներին եւ կարգադրություններին Հայկ Մարությանի եւ Հրաչյա Սարգսյանի բացակայության ժամանակ քաղաքապետի լիազորությունները կատարել է քաղաքապետի տեղակալ Հայկ Սարգսյանը:

«Երեւան քաղաքում տեղական ինքնակառավարման մասին» օրենքի (այսուհետ Օրենքի) 48-րդ հոդվածի 2-րդ մասը հստակ ամրագրում է, որ «Քաղաքապետի առաջին տեղակալը փոխարինում է քաղաքապետին վերջինիս բացակայության ժամանակ»։ Սա քաղաքապետի առաջին տեղակալի բացառիկ իրավասությունն է, քանի որ վերջինս հանդիսանում է ավագանու անդամ, այդպիսով լինելով քաղաքապետից հետո գործադիր պաշտոն զբաղեցնող միակ պաշտոնյան, ով իրավասու է իրականացնելու քաղաքապետի բացառիկ լիազորթյունները, ինչպիսիք են քաղաքապետի որոշումներ եւ կարգադրություններ ընդունելը, ստորագրելը։

Ներկայացրած հանգամանքներից եւ Օրենքից բխում է, որ քաղաքապետի տեղակալ Հայկ Սարգսյանը չի կարող փոխարինել քաղաքապետին եւ չունի իրավասություն կատարելու քաղաքապետի բացառիկ լիազորությունները՝ մասնավորապես քաղաքապետի որոշումներ եւ կարգադրություններ ստորագրելը։ Մինչդեռ քաղաքապետարանի պաշտոնական կայքում հրապարակված որոշումներից եւ կարգադրություններից կարող ենք տեսնել, որ հիշյալ ժամանակահատվածում Հայկ Սարգսյանը ստորագրել է 7 տասնյակից ավել այդպիսի փաստաթղթեր։

Այս գործողությունները անհրաժեշտ ենք համարում դիտարկել Քրեական օրենսգրքի 309-րդ հոդվածի ներքո, քանի որ Հայկ Սարգսյանի կողմից իրացվել է մի լիազորություն, որը վերջինիս Օրենքով վերապահված չէ, այդպիսով անցնելով պաշտոնեական լիազորությունները։ Նկատի ունենալով այն հանգամանքը, որ իր լիազորությունները Հայկ Սարգսյանին փոխանցվել են առանց իրավական պատշաճ հիմքերի, նույն հոդվածի շրջանակներում պաշտոնեական լիազորություններն անցնելու դեպք պետք է դիտարկել նաեւ քաղաքապետի կողմից։

Քրեական օրենսգրքի 309 հոդվածը պաշտոնեական լիազորությունները անցնելու դեպք է համարում պաշտոնատար անձի կողմից դիտավորությամբ այնպիսի գործողություն կատարելը, որը ակնհայտորեն դուրս է նրա լիազորությունների շրջանակից եւ էական վնաս է պատճառել հասարակության կամ պետության օրինական շահերին։

Քաղաքապետի խորհրդական Կարեն Համբարձումյանը նույն օրվա ավագանու նիստի ընթացքում արեց հետեւյալ հայտարարությունը «օրենքը չի կարգավորում այն դեպքերը, երբ ինչ-ինչ պատճառներով քաղաքապետի տեղակալը եւս կարող է բացակայել։ Դրանք կարող են լինել բազմաթիվ այլ հանգամանքներով պայմանավորված...»։ Սա նշանակում է, որ Հայկ Սարգսյանին քաղաքապետի լիազորությունները փոխանցելիս քաղաքապետարանը գիտակցել է, որ օրենքը չի կարգավորում նման դեպք, ինչը նշանակում է, որ այդ գործողությունը կատարվել է գիտակցաբար։

Կ. Համբարձումյանը շարունակելով միտքը նշում է, որ այդուհանդերձ «հիմք է ընդունվել Երեւան քաղաքում տեղական ինքնակառավարման մասին օրենքի  48-րդ հոդվածի 7-րդ մասը, որի հիման վրա դուք (քաղաքապետը) հանձնարարել եք քաղաքապետի (առաջին) տեղակալ Հրաչյա Սարգսյանին անհետաձգելի դեպքերի ի հայտ գալու կամ գործուղման մեկնելու դեպքում նշանակել փոխարինող Հայկ Սարգսյանին»։

Օրենքի 48-րդ հոդվածի 7-րդ մասը սահմանում է, որ «Քաղաքապետի հանձնարարությամբ քաղաքապետի տեղակալները կարող են իրականացնել նաեւ այլ լիազորություններ»։ Այս դրույթի հիման վրա Հայկ Սարգսյանի կողմից քաղաքապետի փոխարինումը ոչ միայն իրավական առումով է հիմնազուրկ, այլ նաեւ դուրս է տրամաբանության շրջանակներից, քանի որ այդ դատողությունից բխում է, որ ցանկացած անձ ում քաղաքապետը կարղ է հանձնարարել իրականացնել «այլ լիազորություններ», վերջինիս կարող է վերապահվել քաղաքապետի բացառիկ լիազորությունները։ Այս դատողության հիպոթետիկ ճշմարտացիության դեպքում քաղաքապետը իր օգնականներին եւս կկարողանար վերապահել քաղաքապետին փոխարինելու լիազորությունը, որի հետեւանքը եւ իշխանության հեղինակությանը հասցված վնասը կարող է լինել նույն չափ, որքան քաղաքապետի առաջին տեղակալ չհանդիսացող տեղակալների կողմից քաղաքապետի փոխարինումը։

Այսպիսով հիմք ընդունելով վերոգրյալը գտնում եմ, որ.

ա) քաղաքապետը ակնհայտորեն անցել է իր լիազորությունները հանձնարարելով Հրաչյա Սարգսյանին քաղաքապետի փոխարինող նշանակել Հայկ Սարգսյանին,

բ) քաղաքապետի տեղակալ Հայկ Սարգսյանը ակնհայտորեն անցել է իր լիազորությունները ստորագրելով քաղաքապետի տասնյակ որոշումներ եւ կարգադրություններ։

Գտնում եմ, որ անհրաժեշտ է Քրեական օրենսգրքի 309-րդ հոդվածի հիման վրա հարուցել քրեական գործ՝ վերհանելու նկարագրածս հանգամանքները եւ գնահատելու հասարակության եւ պետության օրինական շահերին հասցված վնասը։

Ձեր ուշադրությունն եմ հրավիրում նաեւ մեկ այլ հանգամանքի վրա, որը հիմք է Քրեական օրենսգրքի 314-րդ հոդվածի հատկանիշներով քրեական գործ հարուցելու համար։ Բանն այն է, որ խնդրո առարկա հանդիսացող քաղաքապետի կարգադրությունով քաղաքապետը մեկնել էր արձակուրդի հոկտեմբերի 22-ից նոյեմբերի 8-ը ժամանակահատվածով, մինչդեռ թե՛ ավագանու անդամներիս, թե՛ հանրությանը հայտնի էր, որ քաղաքապետը պետք է վերադառնար աշխատանքի նոյեմբերի 4-ին։ Իմ ունեցած տեղեկություններով կեղծվել է քաղաքապետի կարգադրության փաստաթուղթը՝ հետին թվով ստորագրելով այն եւ վերացնելով մինչեւ նոյեմբերի 4-ը արձակուրդ գնալու նախնական կարգադրությունը(ները)։

Այն որ քաղաքապետի արձակուրդից վերադառնալը ի սկզբանե նախատեսված է եղել նոյեմբերի 4-ին փաստում են մի շարք հանգամանքներ.

ա) «Հայկական ժամանակ» լրատվական կայքին քաղաքապետի մամլո խոսնակ Հակոբ Կարապետյանը հայտնել էր, որ Մարությանը արձակուրդից կվերադառնա նոյեմբերի 4-ին, նույնն է փաստում նաեւ «Հրապարակ» լրատվական կայքի մեկ այլ հրապարակում,

բ) քաղաքապետարանի պաշտոնական կայքում հրապարակված նոյեմբերի 4-ին քաղաքապետի որոշումների ցանկում կարող ենք տեսնել տասնյակ որոշումներ, որոնց տակ գրված է Հայկ Մարությանի անունը, ինչը հիմք է տալիս կատարելու ողջամիտ ենթադրություն առ այն, որ աշխատակազմը, որը պատրաստել է քաղաքապետի որոշումները այդ օրը ստորագրելու համար ակնկալել է իր վերադարձը հենց այդ օրը։

Ձեր կողմից համակողմանի քննությամբ կարծում եմ հնարավոր է նաեւ ստանալ եւ համադրել Հայկ Մարությանի կողմից գնված ավիատոմսերը, որով նախնական վերադարձը նախատեսված էր այնպես, որ նա պետք է աշխատանքի անցներ նոյեմբերի 4-ին։

Այս հանգամանքների վերհանումը ցույց կտա, որ նոյեմբերի 4-ին, երբ պարզ է դարձել, որ քաղաքապետ չի վերադառնալու աշխատանքի այդ օրը, վերացվել է նախկին կարգադրությունը եւ կեղծվել նորը՝ ինչ-ինչ պատճառներով նպատակ ունենալով քողարկել այն հանգամանքը, որ քաղաքապետը չի վերադարձել աշխատանքի նախատեսված օրը։

Տեղեկացնում եմ նաեւ, որ ս.թ. դեկտեմբերի 16-ին հարցմանս ի պատասխան ինձ տրամադրվել է քաղաքապետի արձակուրդի վերաբերյալ կարգադրությունը, որտեղ տեսանելի է Մարությանի ստորագրությունը: Տեղեկացնում եմ, որ ինձ մոտ է նույն փաստաթղթի նախնական տարբերակը, որն իմ պնդմամբ կեղծվել է հենց նոյեմբերի 4-ին, որը սակայն եւս փոխարինվել է եւ կարծես քաղաքապետն անձամբ է ստորագրել նոր տպված կարգադրությունը:

Հիմք ընդունելով վերոգրյալը խնդրում եմ հարուցել քրեական գործ եւ համակողմանիորեն քննել ներկայացվածը, քանզի գործ ունենք բարձրաստիճան պաշտոնյաների կողմից պաշտոնեական լիազորությունների անցման եւ փաստաթղթերի կեղծման հիմնավոր կասկածի հետ։

Հայտնում եմ իմ պատրաստակամությունը աջակցելու քննությանը եւ մատնանշելու բազմաթիվ այլ հանգամանքներ»:

Հետևե՛ք Euromedia24-ին
Youtube-ում`
Անի Հովսեփյանը՝ նոր մենամարտի շեմին․ օլիմպիական երազանքը մնում էՄարտիրոսյանն ու Արոնյանը հաղթեցին․ պայքարը Բուդապեշտում շարունակվում էԵրկու հաղթանակ Խորվաթիայում․ Քեյանն ու Սիմոնյանը՝ քառորդ եզրափակիչումՌանոսի դուբլը․ «Տեներիֆեն» անցավ Իսպանիայի գավաթի հաջորդ փուլՓոչետինոն՝ ճգնաժամի կենտրոնում․ առաջին քննությունը «Լիվերպուլն» է«Մեմֆիսը» պատմություն գրեց․ 8-րդ անընդմեջ արտագնա հաղթանակըԵս դա ընկալում եմ քննադատություն իմ հասցեին. Փաշինյանը՝ Աննա Հակոբյանի Ավինյանին քննադատելու մասին (տեսանյութ) «Յուտան» կանգնեցրեց «Լեյքերսին»․ 9 հաղթանակից հետո՝ սառը ցնցուղԱլկարասը չկանգնեց․ 11-րդ հաղթանակն ու կիսաեզրափակչի ուղեգիրըՍի Ծինփինի և Թրամփի հանդիպումն ավարտվել է ՇենժենումՕլիվիա Մանը՝ Կոնգրեսում․ քաղցկեղի դեմ պայքարի նոր օրինագիծ«Հիմար կատակ են արել». կրակողը Արցախից է, պատերազմում կորցրել է ոտքը. Մանրամասներ՝ Արևիկում ողբերգական դեպքից Խուլիո Իգլեսիասի դեմ քննություն․ երգիչը հերքում է պնդումներըԿասեցվել է «Սիթի» ընկերության հացի արտադրամասի արտադրական գործունեությունը Գորդոն Ռեմզին Հոլիվուդի աստղ ստացավ ու հայտնեց՝ շուտով պապիկ կդառնաԳուցե հեռանամ, գուցե չհեռանամ, բայց քաղաքականությունից ընդհանրապես հեռանալը ո՞րն է․ Փաշինյան Երբ սպառվում է փաստարկված բացատրության պաշարը, մնում է ագրեսիան. Աշոտյանը՝ Փաշինյանի ելույթի մասինԱրիանա Գրանդեն՝ Բեն Սթիլլերի նոր «ընտանեկան գլխացավանքը»Սրանից հետո ինչքան Եռաբլուրի անուն տվող եղավ, ասելու եմ՝ դադարեցրեք ձեր եղկելի գործելակերպը, Եռաբլուրը մանրադրամ սարքողներին uատկացնելու եմ. ՓաշինյանՄոնղոլիայում քաղաքական ցնցում․ խորհրդարանը հաստատել է նախագահի հրաժարականըԹրամփ–Պուտին–Սի հանդիպումը մեկնարկել է․ օրակարգում միջուկային զենքն էԹեյլոր Սվիֆթը վերադարձել է CMA-ի բեմ՝ 13 տարվա դադարից հետոՄիջուկային պատերազմում հաղթող չի լինի․ Սի Ծինփինի կոշտ զգուշացումըԴեկտեմբերի 3-ին աշխատանքային այցով կմեկնեմ Մոսկվա, կհանդիպեմ Պուտինի հետ. ՓաշինյանԱՄՆ-ի հետախուզության ղեկավարն ահազանգել է Իրանից եկող սպառնալիքների կտրուկ աճի մասինԱՏԷՍ-ի առաջնորդները 23 կետանոց հայտարարություն են ընդունելՍի Ծինփինը կոչ է արել հրաժարվել Սառը պատերազմի մտածողությունիցԶելենսկի․ Ուկրաինան խաղաղություն է ուզում և միշտ կառուցողական է գործել Ընդդիմությանը առաջարկում եմ սցենար, որը իմ հեռանալով է ավարտվելու. Փաշինյանը դիմելու է ժողովրդինԱՄՆ-ն ու Չինաստանը ձգտում են օգնել Ուկրաինայի պատերազմի ավարտին․ Թրամփ ՈՒՂԻՂ. Նիկոլ Փաշինյանը պատասխանում է լրագրողների հարցերինԱնկախության հռչակագրով մենք անցում ենք կատարել Սովետական Հայաստանից Դաշնակցական Հայաստանի. ՓաշինյանԱՄՆ-ի ավիակիր հարվածային խումբը լքել է Պարսից ծոցը․ ուղղությունը Ճապոնիան էՌուսաստանն ու Չինաստանը կարող են անցնել համատեղ սպառազինության մշակմանԹրամփ–Պուտին հանդիպում․ Կրեմլը բացահայտել է գլխավոր թեմանՀայաստանը թուրքական կողմի հետ նախատեսում է երկրորդ կամուրջ կառուցել Մարգարայի հատվածում. ՄիրզոյանՊուտինը, Սի Ծինփինը և Թրամփը մեկնարկել են եռակողմ հանդիպումըԱննա Հակոբյանն ապրում է Կոնդի կեցավայրում, ինձ հետ չի խորհրդակցում իր հրապարակային գործունեության վերաբերյալ. ՓաշինյանԻրանին ճնշել տնտեսապես․ ինչու է ԱՄՆ-ը խուսափում լայնածավալ հարվածներիցԴեկտեմբերի 3-ին նախատեսված է հանդիպում Պուտինի հետ. ՓաշինյանԵՄ-ում տարաձայնություններ են․ ինչ պահանջել ՌուսաստանիցԻրանի պատերազմի գինը․ 2,8 միլիարդ բարելի մատակարարման կորուստՏիգրան Ավինյանի ոտքի տակ որևէ մեկը չի փորում, Աննա Հակոբյանն իմ մոտ ընկերոջ քույրն է, մեր երկրի ղեկավարի կինն է. Ալեն ՍիմոնյանՀարավային Կորեայի արտահանումը հատել է 1 տրիլիոն դոլարըՏակաիչի–Պուտին զրույց․ Տոկիոն բարձրացրել է ձերբակալության ու բիզնեսի հարցերըՍահմանադրության նախնական նախագիծը կհրապարակվի հաջորդ շաբաթ. ՓաշինյանԱՄՆ-ի պարտքի նոր վերջնաժամկետը․ սահմանաչափը կարող է սպառվել փետրվարինԵվրոպան հավաքվում է Բեռլինում․ սեղանին Ուկրաինայի անվտանգությունն էԳրենլանդիայի շուրջ վճռորոշ քվեարկություն․ ինչ է ստանում ԱՄՆ-ըԱՄՆ-ն ու Վենեսուելան վերականգնում են պաշտպանական համագործակցությունը․ նոր համաձայնագիր
Ամենադիտված