Հրազենային վիրավորում ստացած զինվորն արդեն քայլում է առանց ձեռնափայտի (տեսանյութ)

Արմեն Մուրադյանը ֆեյսբուքյան իր էջում տեսանյութ է հրապարակել և կից գրել.

«Ինչպես և խոստացել էինք՝ Արմենն արդեն քայլում է և առանց ձեռնափայտի:)

Արմենը հրազենային գնդակային միջանցիկ վիրավորում էր ստացել ձախ ազդրի շրջանում: Բուժման սկզբին չէր կարողանում հենում կատարել ոտքի վրա՝ ցավի և թուլության պատճառով: Այսօր արդեն քայլում է առանց ձեռնափայտի:

Նման կարճ ժամանակում այսպիսի արդյունք գրանցեցինք միայն մեր թիմի արհեստավարժ աշխատանքի և Արմենի կամքի ուժի շնորհիվ»: