«Սպայկա» ընկերության տնօրենը վերականգնել է շուրջ 3 մլրդ. մեղադրանքի ծավալն ընդլայնվում է. Pastinfo

«Փաստինֆո»-ի տեղեկություններով՝ «Սպայկա» ընկերության տնօրեն Դավիթ Ղազարյանին առաջադրված մեղադրանքի ծավալը լրացվել է, և նա մեղադրվում է մոտավորապես 4,5 մլրդ դրամի հարկային պարտավորություններ չկատարելու մեջ։ Անցած ամիսների ընթացքում նրա կողմից արդեն վերականգնվել է շուրջ 3 մլրդ դրամը՝ որպես պատճառված վնասի մասնակի վերականգնում։

Հիշեցնենք, որ ապրիլի 4-ին Դավիթ Ղազարյանին մեղադրանք էր առաջադրվել Քրեական օրենսգրքի 205-րդ հոդվածի 2-րդ մասով։ Դ. Ղազարյանը հայտարարել էր, որ չի ընդունում առաջադրված մեղադրանքը՝ ՊԵԿ-ի գործողությունները գնահատելով որպես հետապնդում։ Ղազարյանը ապրիլի 8-ին կալանավորվել էր, պաշտպանները գրավի դիմաց նրան ազատ արձակելու միջնորդություն էին ներկայացրել, ինչը մերժվել էր։

Մայիսի 3-ին նա դեպոզիտ հաշվին վճարեց 1 մլրդ դրամ՝ ըստ էության ընդունելով առաջադրված մեղադրանքը, ինչից հետո հսկողություն իրականացնող դատախազը որոշում կայացրեց փոխել նրա խափանման միջոցը՝ նրան կալանքի տակ պահելու հիմքերը վերանալու պատճառով։