Հայ ռեպերը փակել է Մոսկվայի Արբատ փողոցը՝ տեսահոլովակի նկարահանման համար (տեսանյութ)

Մոսկվայում ռեպերը փակել է փողոցը տեսահոլովակի նկարահանման համար: Дни.ру-ի փոխանցմամբ՝ կենտրոնական Նովի Արբատ փողոցի երթևեկությունը փակել է հայազգի ռեպեր Գրիգոր Զիրոյանը:

Համացանցում հայտնվել է տեսանյութ, որում նա խալաթով քայլում է երթևեկելի հատվածում, իսկ նրան շրջապատել են Maybach մակնիշի ավտոմեքենաներ:

Մոսկվայի տրանսպորտի վարչությունը դիմել է ոստիկանությանը՝ օրինախախտին պատասխանատվության ենթարկելու համար:

Ի դեպ, Զիրոյանն առաջին անգամ չէ, որ հայտնվում է իրավապահ մարմինների տեսադաշտում։ 2017 թվականի ամռանը նա ավտոմեքենան վարել էր շաշկի խաղալով և վթարներ սադրելով։