Փրկարարական աշխատանքները շարունակվում են

Հոկտեմբերի 4­-ի ժամը 20.00­-ի դրությամբ Տավուշի մարզում տեղի ունեցած սողանքի գոտում ապահովվել է լուսավորություն: Որոնողափրկարարական աշխատանքները չեն դադարում: Ըստ ԱԻՆ մամլո ծառայության տեղեկությունների՝ շուտով  գործի կդրվի երկաթուղային շարժական կռունկը:

Լոռվա և Տավուշի մարզի փրկարարներին փոխարինել են Արագածոտնի և Գեղարքունիքի մարզերից ժամանած փրկարարները: Նրանց են միացել նաև 50 զինծառայող մոտակա զորամասից և կամավորներ:

Անհայտ կորածների մասին տեղեկություններ դեռ չկան: Նրանք են՝
1. Արմեն Սորսումատյան (1973 թ. ծնված, Երևանի բնակիչ)
2. Մեխակ Սորսումատյան (1964 թ. ծնված, Երևանի բնակիչ)
3. Նորիկ Միրզոյան (1939 թ. ծնված, Լճկաձոր գյուղի բնակիչ)
4. Արթուր Գուգենի Հակոբյան (1992 թ. ծնված, Վրաստանի քաղաքացի)
5. Գուրգեն Մովսեսի Հակոբյան (1949 թ. ծնված, Վրաստանի քաղաքացի)

Բոլոր նրանց, ովքեր կարող են տեղեկություններ հայտնել ցուցակում նշված անձանց մասին, խնդրվում է զանգահարել ԱԻՆ ճգնաժամային կառավարման կենտրոնում գործող թեժ գծի հեռախոսահամարներով`             010-52-96-90      ,             010-36-02-97      , 060-44-02-38: