Չեմ կարծում, որ ճիշտ վարքագիծ է. Դիանա Գասպարյանը՝ էջմիածնեցի կնոջ հարցազրույցի մասին
Տեսանյութեր
Էջմիածնի քաղաքապետ Դիանա Գասպարյանն այսօր՝ մարտի 19-ին, Հանրային հեռուստաընկերության ուղիղ եթերում խոսել է քաղաքի հայտնի նշանդրեքին մասնակցած կնոջ հարցազրույցի մասին, գրում է mamul.am-ը:
«Թեման նուրբ է, չէի ցանկանա դրան շատ անդրադառնալ և իմ մեկնաբանություններն անել: Պարզապես, ես պետք է նշեմ, որ չեմ կարծում, որ ճիշտ վարքագիծ է, երբ մենք մեծարում ենք մեր բուժաշխատողներին, մեր երախտիքի խոսքն ենք հայտնում և ամեն առիթով նրանց շնորհակալություն ենք հայտնում, ճիշտ չէ այս պահին, այսպես ասած, ինքնամաքրման համար թիրախավորել բուժաշխատողներին: Ամեն դեպքում երկրի վարչապետի մակարդակով ներկայացվել է այլ ինֆորմացիա և կարծում եմ, մենք մեր քաղաքացիներին չենք տվել առիթ կասկածելու պետական մարմինների հայտարարություններին: Այսինքն, եթե հայտարարվում է մեկ բան և մոտ տասն օր անց հայտարարվում է բոլորովին այլ բան, կարծում եմ, որ այստեղ մենք իրականությունը խեղաթյուրելու հետ կապված խնդիր ունենք»,- ասաց Գասպարյանը:
Նրա խոսքով՝ գուցե այդ տեսակետը շրջանառվում է, որովհետև կինը վերջին շրջանում շատ է քարկոծվել համացանցային տիրույթում. «Ամեն դեպքում ճիշտ չեմ համարում այդ կնոջը վիրավորելը: Միշտ կարելի է քննադատել՝ առանց վիրավորելու: Մենք պետք է գնանք համերաշխության»,- նշեց քաղաքապետը:
Մանրամասները՝ տեսանյութում:
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
