Կորոնավիրուսի պատճառով տրանս-մարդիկ տառապում են հնարավոր բոլոր կողմերից․ Լառա Ահարոնյան

Իրավապաշտպան Լարա Ահարոնյանն իր ֆեյսբուքյան էջում գրել է․ «Քանի որ համաճարակը շարունակում է զգալիորեն ազդել Հայաստանի աղքատ համայնքների վրա, տրանս-մարդիկ տառապում են հնարավոր բոլոր կողմերից: Նրանք չեն կարողանում վճարել իրրենց բնակարանների վարձերը: Նրանք, ովքեր հորմոններ են ընդունում, անհրաժեշտ դեղամիջոցներ ձեռք բերելու միջոց չունեն: Զրկվելով հիմնական կրթությունից և աշխատանքային իրավունքներից՝ Հայաստանում տրանս կանանց մեծ մասը զբաղվում է սեռական աշխատանքով և այլևս չի կարող վաստակել: Նրանք, ովքեր դեռ ապրում են իրենց ընտանիքների հետ, մեծ ռիսկի են ենթարկվում ընտանեկան բռնության գործադրմամբ»: