Վահե Գրիգորյանը որևէ նիստի չի մասնակցել, բայց աշխատավարձ ստանում է
Իրավունք
ՍԴ դատավոր Վահե Գրիգորյանն իր պաշտոնը ստանձնելուց հետո որևէ նիստի չի մասնակցել: Այս մասին այսօր՝ հունիսի 9-ին, ԱԺ-ում լրագրողների հետ զրույցում նշեց ՍԴ աշխատակազմի ղեկավար Էդգար Ղազարյանը:
«ՍԴ նիստերին մասնակցելը ՍԴ դատավորների պարտավորությունն եւ է եւ ըստ էության, դատավորների աշխատանքը արտահայտվում է նիստերին մասնակցելով: Պարոն Վահե Գրիգորյանը իր պաշոտնը ստանձնելուց հետո որեւէ նիստի չի մասնակցել, այդ թվում աշխատակարգային նիստերին: Բայց ես ՍԴ շենքում նրան հաճախ եմ տեսնում, նրան հատկացված մեքենան հաճախ ենք տեսնում»,-ասաց նա:
Ինչ վերաբերում է վերջինիս աշխատավարձից զրկելուն, Ղազարյանը նշեց, որ իրենք նման լիազորություն չունեն. «Ինքը կարող է հրաժարվել աշխատավարձից կամ փոխանցել որեւէ հիմնադրամի»:
Հարցին, թե ինչու Վահե Գրիգորյանը չի մասնակցում ՍԴ նիստերին, աշխատակազմի ղեկավարն արձագանքեց. «Ես այդ թեմայով չեմ զրուցել իր հետ, դատավորի կարգավիճակը եւ իմ կարգավիճակը ինձ թույլ չի տալիս, որ ես դատավորից բացատրություններ պահանջեմ: Ես այդպիսի իրավունք չունեմ»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
