Մրցաշրջանի ավարտին Մբապպեն կհեռանա ՊՍԺ֊ից․ The Times

«Փարիզ Սեն Ժերմենի» հարձակվող Կիլիան Մբապպեն հայտարարել է ակումբը լքելու իր մտադրության մասին, հայտնում է The Times-ը: Հրապարակման համաձայն՝ Ֆրանսիայի ազգային հավաքականի 21-ամյա հարձակվողը ցանկանում է լքել ՊՍԺ-ն 2020/21 մրցաշրջանի ավարտին՝ մեկ այլ առաջնությունում կարիերան շարունակելու համար: Ենթադրվում է, որ ֆրանսիացին մտադիր է տեղափոխվել Պրեմիեր լիգայի կամ իսպանական ակումբներից մեկը։ Ավելի վաղ ԶԼՄ-ները հայտնել էին «Ռեալի», Թուրինի «Յուվենտուսի», ինչպես նաև անգլիական «Մանչեսթեր Սիթիի», «Մանչեսթեր Յունայթեդի» ու «Լիվերպուլի» կողմից Մբապպեյի նկատմամբ հետաքրքրության մասին: 2017 թվականից Մբապպեն խաղում է ՊՍԺ-ում։ Նա թիմում անցկացրել է 124 հանդիպում, որոնցում դարձել է 90 գոլի հեղինակ: Փարիզցիների կազմում ֆուտբոլիստը երեք անգամ նվաճել է Ֆրանսիայի չեմպիոնությունը, դարձել Ազգային գավաթի և Լիգայի գավաթի հաղթող: