Գորիսի Քարահունջ բնակավայրի ՀԷԿ-ն ու այգիներ ևս հանձնվում են Ադրբեջանին․ Գորիսի փոխքաղաքապետ. Tert.am
Հասարակություն
Սյունիքի մարզի Գորիս համայնքի Քարահունջ բնակավայրի ՀԷԿ-ն ու ևս հանձնվում են Ադրբեջանին։ Այս մասին Tert.am-ի հետ զրույցում ասաց Գորիսի փոխքաղաքապետ Մենուա Հովսեփյանը։
Նա նշեց, թե այս պահին տարածքների չափի վերաբերյալ հստակ թիվ չի կարող ասել, քանի որ չափագրում դեռ չի իրականացվել, բայց խոսքը բավականին մեծ տարածքի մասին է։
«Հստակ չեմ կարող ասել, որովհետև, չգիտես ինչու, ամեն օր իրենց տարածքը մի քանի կիլոմետր մեծանում է։ Ախորժակներն ուտելուց բացվել է։ Դրանք Քարահունջի բնակիչների ապրուստի միջոցն էին։ Ամբողջ օրը մարդիկ են գալիս, ինչ-որ փաստաթղթեր բերում, բայց այդ փաստաթղթերի իմաստն էլ չկա, քանի որ թուրքն այդ փաստաթղթերը որպես հիմք չի ընդունում»,-նշեց նա։
Հովսեփյանի խոսքով՝ ՀԷԿ-ում գտնվող տեխնիկան հանելու հնարավորություն ևս չի տրվել, հարցին էլ՝ տարբերակ կա՞ որևէ փոփոխություն մտցնելու, Հովսեփյանն արձագանքեց, թե այս Կառավարության հետո որևէ տարբերակ գտնել հնարավոր չէ։
«Այսօր թուրքերը նույնիսկ մեր սահմանապահ դիրքերն են մի քանի կիլոմետր դեպի Գորիս շպրտել»,-նշեց նա։
Հարցին՝ այնտեղ Կառավարության ներկայացուցիչ չկա՞, Հովսեփյանը պատասխանեց, թե այդ հարցը պետք է ուղղել Նիկոլ Փաշինյանին, որ վերջինս հերթական սուտը հրամցնի։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
