Վաղը կմեկնարկի «Արևորդի» 3-րդ միջազգային բնապահպանական փառատոնը

Հոկտեմբերի14-18-ը Երևանում կկայանա հարավային Կովկասում միակ բնապահպանական միջազգային փառատոնը՝ «Արևորդին»: Այն տեղի է ունենում երկու տարի մեկ ու այս տարի արդեն երրորդ անգամ կկայանա, ավելի ընդգրկուն ու ավելի հետաքրքիր միջոցառումներով:

«Քո հետքը բնության մեջ» խորագրով այս փառատոնի նպատակն է մարդուն մոտ պահել բնությանը, մարդկանց մեջ սերմանել սերն ու հոգատարությունը դեպի մայր բնություն: Այն նպատակ ունի Հայաստանը դարձնելու բնապահպանական լուրջ հարցադրումների հարթակ: Դմեկնարկի դիմակահանդես-շքերթով, կանցկացվեն կինոփառատոններ՝ բնապահպանական թեմաներով: Հատկապես կարևոր է «Վայրի բնություն» մրցության փուլը: Երևանի կենդանաբանական այգում կանցկացվի արդեն կերտվող քանդակների ցուցահանդես: Իսկ ռոքասերների համար նշենք, որ Փառատոնի բացումը կուղեկցվի Բամբիռ խմբի կատարւմներով:

Համաժողովի մասնակիցները բնապահպանության ոլորտի աշխարհի լավագույն մասնագետներն են, զեկույցներ ունեն ԱՄՆ-ի, Եվրոպայի, Վրաստանի, Թուրքիայի ու Իրանի հասարակական կազմակերպությունների ներկայացուցիչներ:

Այս փառատոնի շրջանակներում վայրի բնության ու մշակութային արժեքների պահպանոման հիմադրամը և ՎիվաՍել ՄՏՍ-ը հայտարարել են նաև ուսանողական գիտական ծրագրերի դրամաշնորհային մրցույթ:

Այս և այլ մանրամասների մասին այսօր «Արմենիա մարիոթ» հյուրանոցում տեղի ունեցավ մամուլի ասուլիս, որի մասնակիցներն էին «Արևորդի» 3–րդ միջազգային փառատոնի տնօրեն Ռուբեն Խաչատրյանը, ՎիվաՍել ՄՏՍ– գլխավոր տնօրեն Ռալֆ Յիրիկյանը, փառատոնի «վայրի բնություն» մրցութային ծրագրի ժյուրիի նախագահ Ջոն Բարթոնը, «Արևորդի» փառատոնի ծրագրերի տնօրեն Բարբարա Զիբերթը։

Փառատոնի տնօրեն Ռ.Խաչատրյանը ներկայացրեց ժյուրիի կազմը, միջոցառման նպատակներն ու անելիքները, նոր « Վայրի բնություն» մրցույթի էությունը։

«Մեր տունը մաքուր պահելը բավական չէ, պետք է նաև շրջակա միջավայրի մասին մտածել։ Երեխաները մեր ժառանգներն են ու այն ինչ անում ենք մենք այսօր, վաղը փոխանցելու ենք մեր երեխաներին։ Հոգ տանելով մայր բնության համար, մենք հոգ ենք տանում մեր երեխաների մասին» ,–իր ելույթում ասաց Ռ.Յիրիկյանը։

«Հայաստանն այն երկիրը չէ, որ մտածի բնապահպանական խնդիրների մասին, դրա համար մենք, հասարակական կազմակերպություններս պետք է նստենք ու քննարկենք այդ խնդիրները»,–ասում է ծրագրերի տնօրեն Բարբարա Զիբերթը։

«Շատ հաճելի է գալ այստեղ ու համագործակցել հայկական կազմակերպությունների հետ։ Մեր կազմակերպությունը զբաղվում է հողատարածքներ գնելով ու սեփականածնորհելով, որի արդյունքում կարելի է ստեղծել արգելոցներ ու պահպանել բնաությունը»,–ասում է «Վայրի բնություն» մրցութային ծրագրի ժյուրիի նախագահը։