Մոնղոլ – թաթարներ – տականքներ – բանակցություն

Այսօր «Իրատես դե ֆակտո ակումբում «Նոր ժամանակներ» կուսակցության նախագահ Ա. Կարապետյանը որոշ գնահատականններ տվեց ՀԱԿ հանրահավաքներին. մեջբերենք. «Ես մասնակցել եմ ՀԱԿ համարյա բոլոր հանրահավաքներին, քանի որ ես ընդդիմադիր մտածողության տեր մարդ եմ։ Բայց կուզենայի խնդրել իմ բարեկամներին, որ նրանք վերջնականապես կողմնորորշվեն իրենց գաղափարների մեջ։ Շատ ծիծաղելի է մոնղոլ–թաթարներ–տականքներ բանակցենք բառաշարը։ Ինձ համար այս առումով շատ տարօրինակ է «Բարգավաճ Հայաստան» կուսակցության հայտարարությունը՝ հաջորդ դասին կասենք, թե ով կլինի նախագահի թեկնածու, սա նույնն է, ինչ որ Ս.Սարգսյանի հայտարարությունը համաշխարհային բանկին, թե ասել եմ, կարգադրել եմ, պիտի ինֆլիացիա լինի»։

Ապա բանախոսն ասաց, որ եթե մարդիկ չեն համախմբվում ՀԱԿ–ի շուրջ, դա չի նշանակում, թե այլ ընդդիմություն չկա։ դա նույնն է, որ մի խումբ գնա ու Անգլիային պատերազմ հայտարարի, հետո էլ ասի, թե ով իրենց հետ չէ, ուրեմն՝ ընդդիմություն չի։

Ա. Կարապետյանը իր վերաբերմունքը հայտնեց Քոչարյանի վերադարձի հետ կապված. «Ո՞վ է ասել, որ երիտասարդ թոշակառու չմնալու համար Քոչարյանն անպայման պետք է զբաղեցնի նախագահի պաշտոնը։ 2003 թվականին նրա՝ Ռուսաստանին «նվիրած» գործարանները, որոնք, այդպես էլ անգործ կանգնած են, կարող է վերցնել, հանրօգուտ աշխատանքի համար ծառայեցնել։ Հասարակական աշխատանքներով զբաղվում են կամ բանտում, կամ էլ՝ ազատության մեջ ու եթե Քոչարյանն ազատության մեջ է, ապա թող իր գործունեությունը ծավալի ազատության մեջ »։