Բաշկիրիայում հրե պտտահողմ է ձևավորվել (տեսանյութ)

Բաշկիրիայի բնակիչները տեսանկարահանել են երկու գյուղերի արոտավայրում ձևավորված հրե պտտահողմը:

Կադրերում երևում է, թե ինչպես է այրվող խոտով դաշտում ծխից տորնադո առաջանում:

Ինչպես հայտնում է РИА Новости-ն՝ Բաշկիրիայի արտակարգ իրավիճակների նախարարությանը հղումով, այս երևույթը կոչվում է «փոշոտ փոթորիկ»:

Ավելի վաղ հաղորդվել էր, որ Սվերդլովսկի շրջանի և Բաշկիրիայի անտառային հրդեհների ծուխը հասել է Եկատերինբուրգ:

Անտառային հրդեհները շարունակում են տարածվել Բաշկորտոստանի Հանրապետությունում: Վերջին տասը օրվա ընթացքում հրդեհները հասել են մի քանի հազար հեկտարի:

Անտառային հրդեհները շարունակվում են նաև Յակուտիայում: Այնտեղ այն տարածվել է 7 միլիոն հեկտար տարածքի վրա՝ 260 միլիոն ընդհանուր մակերեսով: