4 հոգու տարան նորից, երեխեքի են վնասել, տրորում անցնում են. լարված իրավիճակ Ֆիզգորոդոկում

Երեւանի Ալիխանյան եղբայրներ փողոցի 6/1 հասցեում այսօր՝ օգոստոսի 21–ին, քաղաքացիների եւ կարմիր բերետավորների միջեւ տեղի ունեցած քաշքշուկի հետեւանքով 4 անձ բերման է ենթարկվել: Այս մասին  իր ֆեյսբուքյան էջում գրել է ակցիայի մասնակից Լուսինե Գրիգորյանը:

Նա նաեւ նշել է, որ բերման ենթարկված ակցիայի մասնակից Սեդա Գրիգորյանը Ոստիկանության  Մաշտոցի բաժանմունքում է:

«4 հոգու տարան նորից, երեխեքի են վնասել, տրորում անցնում են։ Seda Grigoryan-ն հիմա Մաշտոց բաժանմունքում է»,- գրել  է նա:

Ավելի վաղ հայտնել էինք, որ Ալիխանյան եղբայրներ փողոցի 6/1 հասցեում, որն առավել հայտնի է որպես «Ֆիզգորոդոկ», ընթանում են բարձրահարկ շենքի կառուցման շինաշխատանքներ, սակայն բնակիչները պնդում են, որ գործընթացը հակաօրինական է։Երեկ եւ այսօր  բնակիչների ու ոստիկանների միջեւ քաշքշուկ էր տեղի ունեցել։