Շիա մահմեդականները, ինքախարազանման ծիսական արարողությամբ, նշում են Աշուրան (լուսանկարներ)

Ամբողջ աշխարհի մահմեդականները նշում են Աշուրայի օրը։ Նրանք հիշում են փարավոնի զորքերից Մուսա մարգարեի (Մովսես) փրկությունը և Մուհամեդ մարգարեի թոռ Իմամ Հուսեյնի մահը Կարբալայի ճակատամարտում՝ 680 թվականին: Միևնույն ժամանակ, իսլամի երկու հիմնական հոսանքների՝ սուննիների և շիաների հետևորդները տարբեր կերպ են նշում այդ օրը:

«Սա Մուհարրամի սուրբ ամսվա նշանակալից օրերից է, երբ ցանկալի է երկու օր ծոմ պահել, բարի գործեր կատարել, ներման աղոթքներով դիմել Ամենակարողին: Երբ Մուհամմադ մարգարեն տեղափոխվեց Մեդինա, Մուհարրամ ամսվա տասներորդ օրը նա տեսավ, որ հրեաներն այս օրը ծոմ էին պահում՝ ի երախտագիտություն Ամենակարողի, որ նա փրկեց Մովսեսին և Իսրայելի որդիներին եգիպտական ​​փարավոնի բանակից: Մուհամմադն ասաց, որ մահմեդականները նույնպես ծոմ կպահեն։ Այսօր՝ Աշուրայի օրը ծոմ պահելը կարող է պատճառ դառնալ անցյալ տարվա մեղքերի քավության համար»,- այս մասին պատմել է մուֆթի Իլդար Ալյավդդինովը:

Իսլամի տարբեր հոսանքների համար Աշուրայի օրվա իմաստը նույնը չէ: Սուննիների շրջանում այս ամսաթիվը նշանակալի է համարվում Մուսային (Մովսեսին) փարավոնի զորքերից փրկելու համար Ամենակարողի օգնության պատճառով: Շիաների համար սա առաջին հերթին Մուհամեդ մարգարեի թոռ Իմամ Հուսեյնի հիշատակության օրն է: Իմամ Հուսեյնը սպանվել և գլխատվել է 680 թվականի հոկտեմբերի 10-ին՝ Կարբալայի ճակատամարտում, զոհվել են նաև նրա հարազատները և նրա համախոհներից 70 հոգի:

Աշուրայի օրը շիաներն անցկացնում են ինքնախարազման ցնցող արարողություններով՝ սովորույթ, որը խորհրդանշում է մահից առաջ Հուսեյնի տառապանքը:

Աշուրայի օրը Կարբալայի շիաները զանգվածային երթեր են անցկացնում փողոցներում, որոնց ընթացքում մասնակիցները շղթաներով և դաշույններով հարվածում են իրենց, բռունցքներով հարվածում կրծքին՝ պատկերելով Իմամ Հուսեյնի և նրա համախոհների պայքարի և մահվան տեսարանները:

 Սուննիների և շիաների միջև հիմնական տարաձայնությունները վերաբերում են վարդապետության որոշակի խնդիրներին։ Օրինակ՝ շարժումները հավատարիմ են տարբեր դիրքորոշումների իմամների կարգավիճակի և համայնքում առաջնորդության հարցի վերաբերյալ: Բացի այդ՝ երկու ուղղություններն էլ յուրովի են մեկնաբանում Ղուրանը և սուրբ ավանդույթները: