Փոքրիկ տղան վազել է օճառե պղպջակների հետևից և գտել անհետացած կնոջը

ԱՄՆ Ջորջիա նահանգում փոքրիկ տղան վազել է օճառե պղպջակների հետևից և օգնել գտնել անհետացած տարեց կնոջը: Այս մասին հայտնում է New York Post-ը։

Իթան Մուրը խաղում էր մոր հետ իր տան բակում և վազում օճառե պղպջակների հետևից: Տղան անսպասելիորեն ինչ-որ բան է տեսել տունը շրջապատող ցանկապատի հետևում։ Երեխայի մայրը՝ Բրիտանին, պատմել է, որ մոտեցել է որդուն և հարցրել, թե ինչ է գտել։ Իթանը պատասխանել է, որ տեսել է ինչ-որ մեկի ոտքերը: Երբ ամերիկուհին կռացել է, տեսել է թոշակառուի ոտքերը, ով պառկած էր գետնին։

Կինը կանչել է փրկարարներին, ովքեր պարզել են կնոջ ինքնությունը։ Նա 82-ամյա Նինա Լիփսքոմբն էր։ Նա ողջ էր, բայց ապակողմնորոշված, քանի որ տառապում է առաջին աստիճանի Ալցհեյմերի հիվանդությամբ։ Հայտնաբերման պահին թոշակառուն մի քանի օր անհայտ կորածների ցուցակում է եղել։

«Նրան փնտրելու համար մենք օգտագործեցինք բոլոր հնարավոր ռեսուրսները, բայց ի վերջո նրան փրկեց փոքրիկ տղան, իսկ նա շատ է սիրում երեխաներին», - ասել է կնոջ դուստրը՝ Կարեն Լիփսքոմը:

Իթանն ու նրա մայրը հանդիպել են թոշակառուի հետ հիվանդանոցից դուրս գրվելուց հետո։ Ուրբաթ օրը՝ օգոստոսի 19-ին, կինը նշել է իր 83-րդ տարեդարձը և ի պատիվ տոնի, իր երիտասարդ փրկչին նվիրել է մի ամբողջ փաթեթ՝ տարատեսակ օճառե պղպջակների տարաներով։