Միջազգային մրցույթ․ Հյուսիս-հարավի՝ Տրանշ-2-ի շինաշխատանքների համար վերջնաժամկետն է սահմանվել

Հայտարարվել է Հյուսիս-հարավ ճանապարհային միջանցքի Տրանշ-2-ի 34 կմ-ի շինաշխատանքների ձեռքբերման միջազգային մրցույթ, այդ մասին հայտնում է ՏԿԵՆ-ը։

«Ճանապարհային դեպարտամենտ» հիմնադրամը Հյուսիս-հարավ ճանապարհային միջանցքի ներդրումային Տրանշ-2 ծրագրի շրջանակներում հայտարարել է Մ-1, Երևան-Գյումրի-Բավրա (կմ 37+545-ից մինչև կմ 71+435) շուրջ 34 կմ ավտոճանապարհի շինարարական աշխատանքների ձեռքբերման մրցույթ։

Աշխատանքները պետք է իրականացվեն մանրամասն նախագծին և տեխնիկական բնութագրերի պահանջներին համապատասխան, որոնք հանդիսանում են պատվիրատուի կողմից տրամադրվող մրցութային փաստաթղթի անբաժան մաս:

Միջազգային մրցակցային ընթացակարգն անցկացվում է Ասիական զարգացման բանկի գնումների ուղեցույցներով սահմանված մեկ փուլ-երկու ծրար ձևաչափով, առանց նախաորակավորման փուլի և ինչպես նկարագրված է մրցութային փաստաթղթերում, բաց է իրավասու երկրներ ներկայացնող բոլոր հայտատուների համար։

Մրցութային հայտերի ներկայացման վերջնաժամկետն է 2022 թ. հոտկտեմբերի 06-ը` ժամը 16:00 (Երևանի ժամանակով):

Մրցույթի մասին լրացուցիչ տեղեկատվություն կարելի է ստանալ հետևյալ հղումով՝ https://armroad.am/am/procurement/tenders։