Թայվանի ուժերն առաջին անգամ կրակ են բացել չինական բանակի ԱԹՍ-ի ուղղությամբ. CNA

Թայվանցի զինվորականներն առաջին անգամ կրակել են Չինաստանի ժողովրդական ազատագրական բանակի անօդաչու թռչող սարքի ուղղությամբ այն բանից հետո, երբ այն մոտեցել է Ցզինմեն կղզիներին, որոնք գտնվում են Թայվանի վերահսկողության տակ։ Այս մասին հայտնում է CNA-ն՝ հղում անելով Ցզինմենի բանակի պաշտպանության հրամանատարությանը։

Նշվում է, որ անօդաչուն Էրդան կղզուն մոտեցել է տեղական ժամանակով ժամը 17.59-ին, իսկ 18:00-ին թայվանցի զինվորականների կողմից ուղիղ արկ արձակելուց հետո անօդաչու թռչող սարքը թռել է դեպի Սյամեն քաղաք, որը գտնվում է Չինաստանի ափամերձ Ֆուցզյան նահանգում։

Հիշեցնենք, որ 2022 թվականին իրավիճակը տարածաշրջանում սրվեց ամերիկյան պատվիրակությունների Թայվան այցերի պատճառով։