Լողորդուհին ցուցադրել է մեդալներով անկեղծ լուսանկար և զարմացել երկրպագուների «սեքսիստական» նամակներից

Օլիմպիական խաղերի մասնակից, իտալացի սինխրոն լողորդուհի Լինդա Չերուտին համացանցում անկեղծ լուսանկար է ցուցադրել և զարմացել երկրպագուների «սեքսիստական» արձագանքից։ Համապատասխան հրապարակումները հայտնվել են նրա Instagram-ի անձնական էջում։

28-ամյա լողորդուհին կադր է հրապարակել, որում նկարավել է բիկինիով։ Չերուտին կեցվածք է ընդունել ոտքերից կախված վեց արծաթե և երկու բրոնզե մեդալներով, որոնք նա նվաճել է Հռոմում կայացած ջրային սպորտի Եվրոպայի առաջնությունում։

Հրապարակումից մի քանի օր անց մարզուհին դժգոհել է, որ բազմաթիվ գռեհիկ նամակներ է ստացել տղամարդկանցից, որոնցից մի քանիսն էլ օրինակ է բերել։ «Հրաշալի մեդալներ, բայց չորրորդից հինգերորդների միջև տարածությունը նույնպես լավ է թվում», «Շատ լավ... Թե՛ լողավազանում, թե՛ դրանից դուրս»,- մասնավորապես գրել են իտալացի մեկնաբանները։

Պատասխան հաղորդագրության մեջ Չերրուտին ընդգծել է, որ լուսանկարը նախատեսված է եղել արտիստիկ լինելու համար, և ինքն արժանի չէ նվաստացուցիչ մեկնաբանությունների տարափին, որոնք սեքսուալիզացնում են իր մարմինը: «Ես իսկապես ցնցված էի հազարավոր նվաստացուցիչ սեքսիստական ​​մեկնաբանություններից և դրանց հեղինակների գռեհկությունից: 20 տարվա մարզումներից ու զրկանքներից հետո, կարծում եմ, դուք պետք է ամաչեք ինձ դա ասել։ Մի ողջ մարդկանց խմբի կատակները կոտրում են իմ սիրտը։ Արդյո՞ք հետույքն ու ոտքերը ձեր հիմնական քննարկման թեմա են»,- ասել է նա:

Եզրափակելով՝ սինխրոն լողորդուհին նշել է, որ հասարակությունը դեռ առնական է և տարբերվում է նրանից, որտեղ ինքը կցանկանար ծնվել և մեծացնել իր երեխաներին։