Թրամփը պարծեցել է, որ գիտի Մակրոնի սեռական կյանքի մանրամասները. Rolling Stone

Միացյալ Նահանգների նախկին նախագահ Դոնալդ Թրամփը վստահելիների շրջապատում պարծեցել է, որ գիտի ֆրանսիացի գործընկեր Էմանուել Մակրոնի «սիրային կյանքի» մանրամասները, գրում է Rolling Stone-ը։

Իրազեկ աղբյուրները հայտնել են, որ Թրամփը իր ամենամոտ գործընկերների մոտ պարծեցել է, որ գիտի Ֆրանսիայի նախագահ Էմանուել Մակրոնի անձնական կյանքի մանրամասները։ Նա նաև պնդել է, որ որոշ «կեղտոտ» մանրամասներ իմացել է «հետախուզական տվյալներից», որոնք տեսել է կամ դրանց մասին տեղեկացվել:

Հրատարակության զրուցակիցների խոսքով՝ այս հայտարարությունը իրարանցում է առաջացրել Ատլանտյան օվկիանոսի երկու կողմերում։ Մակրոնին իբր բնորոշ «խեղկատակությունների» մասին Թրամփի խոսքերը, որոնց մասին «ոչ շատերը գիտեն», ավելացրել են ահազանգը։ Ֆրանսիացի և ամերիկացի պաշտոնյաներն աշխատել են պարզելու, թե կոնկրետ ինչ է ասել Թրամփը Մակրոնի հետ կապված, և արդյոք այդ տվյալների բացահայտումը վտանգ է ներկայացնում ազգային անվտանգության համար։

Նյութում ասվում է նաև, որ Թրամփի Մար-ա-Լագոյի կալվածքի վերջին խուզարկության ժամանակ ՀԴԲ-ի գործակալների առգրավված փաստաթղթերից մեկը վերնագրված է «Տեղեկություններ Ֆրանսիայի նախագահի մասին», սակայն հայտնի չէ, թե արդյոք այդ փաստաթղթերը կապված են Մակրոնի անձնական կյանքի հետ։ .