Վենեսուելայում մահացել է լեգենդար հեղափոխական Էռնեստո Չե Գևարայի ավագ որդին
Աշխարհ
Կարակասում 60 տարեկան հասակում մահացել է լեգենդար հեղափոխական Էռնեստո Չե Գեւարայի ավագ որդի Կամիլո Գեւարա Մարչը, երեքշաբթի հայտնել է Կուբայի նախագահ Միգել Դիաս-Կանելը։
Prensa Latina-ի փոխանցմամբ՝ Գեւարա Մարչը այցով գտնվում էր Վենեսուելայում, որտեղ երկուշաբթի օրը մահացել է թրոմբի պատճառով, որը հանգեցրել է սրտի կաթվածի։
«Մեծ տխրությամբ մենք հրաժեշտ ենք տալիս Չեի որդի եւ նրա գաղափարները կրող Կամիլոյին»,- գրել է Կուբայի նախագահը Twitter-ում։
Կամիլոն Գեւարայի չորս երեխաներից ավագն էր։
Աշխատանքային իրավունքի ֆակուլտետի շրջանավարտ Գեւարա Մարչը Հավանայում Չե Գեւարայի հետազոտական կենտրոնի տնօրենն էր՝ հաստատություն, որը զբաղվում է Կուբայում հսկայական ազդեցություն ունեցող նրա հոր աշխատանքների եւ գաղափարախոսության քարոզչությամբ:
Էռնեստո Չե Գեւարան ծնվել է Արգենտինայում, սովորել է բժշկություն, այնուհետեւ ճանապարհորդել է Լատինական Ամերիկայում եւ Մեքսիկայում հանդիպել է կուբացի հեղափոխականներ Ֆիդել ու Ռաուլ Կաստրոներին։
Գեւարան միացել է նրանց եւ օգնել տապալել Կուբայի բռնապետ Ֆուլխենսիո Բատիստային, որին աջակցում էր ԱՄՆ-ը:
Չէ Գեւարան սպանվել է 1967 թվականին՝ Բոլիվիայում, 39 տարեկան հասակում՝ զինվորի կրակոցից։
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
