Սեֆիլյանը կգա Ազատության հրապարակ

 Չնայած նա համաձայն չէ Կոնգրեսի պահանջների հետ

«Սարդարապատ» շարժման նախաձեռնող խմբի անդամ Ժիրայր Սեֆիլյանն այսօր ժամը 15.00-18.00-ն մի խումբ երիտասարդների խնդրանքով կլինի Ազատության հրապարակում:

Այս մասին այսօր լրագրողների հետ հանդիպման ժամանակ այսօր հատարարել է ինքը` Սեֆիլյանը: Նա նշել է, որ թեև համամիտ չէ հարթակում հնչած պահանջի հետ, որն է` արտահերթ ընտրություններ, այնուամենայնիվ, նա կլինի Ազատության հրապարակում, այնտեղ գտնվող երիտասարդների հետ հանդիպելու համար:

Նա նշել է, որ ողջունում է Ազատության հրապարակում գտնվող բոլոր քաղաքացիներին, հատկապեսես այնտեղ գիշերող բազմաթիվ երիտասարդներին, որոնցով Սեֆիլյանը հպարտանում է:

«Մենք բազմաթիվ անգամ մեր ընդդիմադիր գործընկերներին ասել ենք, որ այս իշխանությունների համակարգի օրոք որևէ ընտրության մասնակցելը հանցագործություն է, բայց նրանք այդ հորդորները չեն լսում: Նրանք չպետք է մտնեին գործող դիկտատորի առաջ քաշած խաղի կանոնների մեջ: Եվ մենք չենք կարող քաղաքական այդպիսի ընթացքին մասնակից լինել»,- ասել է  Սեֆիլյանը:

Նրա խոսքով` Սերժ Սարգսյանը ՀԱԿ-ին կմաշեցնի այնքան, որ մինչև 2012 թվականը նրանք լիենեն խնդրողի դերում, որպեսզի ԱԺ մտնեն նրանց կողմնակիցները: